Ink! Production喺我同太太大學dance so師兄開的，有次同佢傾開我哋想影輯相喎，佢話OK有期，就搵咗佢哋，Kenneth佢都有俾咗少少discount我哋，我覺得都抵。 因為我同太太都係鐘意跳舞，所以就想去ＬＡ朝聖。我哋自己都好鐘意ＬＡ呢個地方，覺得嗰邊天氣好，都唔使驚落雨有雲，就決定去嗰邊影結婚相。嗰期咁啱又好興LaLa land，所以我哋都有去天文台嗰邊影。成個trip我book咗佢book咗佢5日，第一日落機就唔緊要啦、第二日site visit 、第三四日影相、第五就自由活動各自去玩。我主要係包佢機票住宿，不過因為咁好朋友都唔介意我哋一齊住民宿，所以價錢方面唔可以完全作準。影相方面雖然佢都係第一次去LA，但佢影出黎啲相未執已經好靚，可能因為天氣好，啲景都好好。 其中比較難忘嘅，係有日我哋去咗Beverly Hills影相，不過我哋喺啲名店附近影咗5分鐘左右已經有Security趕，因為佢見我哋著得好靚，驚我哋用佢哋舖頭影黎做其他嘢。之後我哋再喺beverly hills搞咗一輪都搵唔到啲咩地方比較靚同啱影，Kenneth佢就提議我哋試下去附近嘅一個公園度影相。其實並唔係咩景點黎，而係之前Site visit時駕車經過個公園，佢覺得幾靚同啱feel，就一直記住咗再帶咗我哋去影，影出黎都幾靚！之後我哋本身想喺一個博物館出面影相，因為覺得佢嘅建築都幾靚，佢又提議不如順便喺附近行下，就咁啱見到個玫瑰園可以喺裡面影咗陣。因為大家都好熟咩都會攞出黎講，所以成個trip都好開心同好順利，啲相我都覺得影得好靚。