我地search左好多間婚紗舖，不過啲款就睇極都唔係好岩，直到睇到尼間就exactly係我太太想搵嘅款。佢地嘅款好特別，坊間得佢地先有，係偏向歐美style、大露背、deep v 個啲款多。佢地得一間舖，係兩三個人夾份開。試衫時，佢地嘅staff都好friendly。店舖空間都算闊落同舒服，亦都有足夠嘅空間俾你試衫，個環境都好優雅，有啲花花草草。 其實款式嗰啲我哋都幾滿意，唯獨係改衫方面真係偏貴。改衫佢地有指定改衫舖，我地總共租左兩套衫，一套去影prewedding，一套就係big day，兩套都需要改。改嘅地方唔多，亦都唔複雜，但出尼嘅效果就有啲強差人意。因為我職業都係裁縫尼一行，所以對於改衫個質素同埋價錢都唔係話好認同，覺得偏貴，收費就仲貴過我公司，性價比比較低。我地都有再同Wedding Gown 講返尼個問題，反映過話佢地價錢偏貴，但係都無辦法，因為佢地係指定要去呢間度改，所以都改變唔到。不過呢啲都唔關Wedding Gown事嘅，係果個師傅手工嘅問題。