基本上Hot Kisser佢地係包哂reception、photo album同埋地毯，係酒店嗰邊送俾我地嘅deco服務。因為我地photo album有好多相，所以我地就擺咗好多出嚟。佢地唔單止門口放咗兩張玻璃枱俾我哋放photo album，連中間都有，而且因為地方好大，效果比我想像中靚。

佢地服務都好flexible，因為本身係送main backdrop，但係我地唔要，佢地就offer可以幫我地upgrade個reception 同photo album，好flexible！我覺得呢個決定做得好啱，當然如果可以再多D options揀就更好喇！同埋佢地當日嚟到個場就自己搞掂哂，又會主動過去問下D兄弟姊妹有無咩要幫手，好helpful！

朋友through網頁見到Hot Kisser Design & Décor佢哋D嘢都幾靚，就介紹咗我哋睇吓。我哋睇完都覺得幾靚同埋個價錢都reasonable，所以就搵佢哋。一開始都係同佢哋見吓面傾吓我哋嘅期望，佢哋又會俾我哋睇D相，同埋會俾意見我哋。到初步傾好之後，中間又唔會唔俾我哋轉嘢，服務都好好。同埋當日佢哋真係好準時，4pm就到咗現場同我地打理，整得好好，個效果我哋都好滿意。