因為我哋想要西式婚禮，搵場地又比較急，咁啱見到大公館available，又有露天可以做做室外證婚，去過佢哋嗰度食嘢都覺得佢哋嘅嘢食質素幾好，所以就揀咗佢哋啦😊。啲職員都好好，會儘量配合我哋嘅要求，我哋想要啲頂燈，佢哋都特登搵人漏夜幫我哋裝啲鋼纜掛啲燈上去🥺。但可能因為佢哋唔係做開婚宴，會唔夠經驗，我哋室外婚禮嗰日突然落雨，啲嘢都淋濕晒，要等停雨先可以去搞掂啲display，不過我哋都明白天氣因素好難預計，佢哋都好努力啦。因為佢哋中西style嘅婚宴都可以做到，我都有同啲friend推介大公館👍🏻。

一開頭搵大公館係因為我奶奶佢地都會去呢度飲茶食飯，我有去過，都鍾意佢地Ｄ野食，所以擺酒場地就搵左佢地😌其實因為我地係細搞，想有成個場俾我地，又或者可以間到成個廳。另外就主要係想野食可以好食，因為我地都真係比較focus係野食既質素。之前我地都有去睇下一般會擺酒嘅酒樓，可能因為我地都係得嗰10幾圍，嗰D酒樓都話唔會間到成個場俾我地，而且個價錢都唔係話好抵，食物保證都係個D平時食開既野，無咩驚喜，所以就話咁不如去返食開嘅大公館👍🏽起碼食野方面唔會得罪D賓客，個場又睇得下咁樣喇。後尾傾完之後大公館個時間又夾到,同埋我地要D野，基本上佢地都俾到，所以就confirm左。佢地個服務都ok， 我地confirm左之後，佢地都專登搵左個人黎同我地交接，都係有求必答。其實D野都ok，真係跟返個plan, 個plan有嘅都會俾你，但如果係話要D minor野，例如要印野呀，或者要decorations個D就要自己搞😊原過其實Big day 當日嘅 decoration係我地provide, 但見大公館staff 都有落手落腳幫手我地整下，幫手痴下砌下~ Big day後大公館嘅staff都有問返我comments。其實大致上都好好，唯獨可能上菜方面係慢左少少。本身我都delay左Ｄ，我諗廚房suppose應該都係嗰段時間準備好架喇，但後尾遲左10幾20分鐘都未上菜😅同埋上菜嗰度因為佢地好多特別野，所以可能需要好多時間逐碟逐碟整，變左唔係一次過上，而係主家席上先，之後嗰D就慢慢一圍圍咁樣上。另外，雖然佢地都盡量幫我間長D個走廊，但個場都係偏窄。因為係長方形場，我唔可以係中間行march in，要大家讓少少位先可以兩個人一齊行，要互相就住就住，所以如果要好grand要著哂拖尾婚紗個D就未必好岩🤔最後我地擺左12圍，空間感係有D窄，同埋佢無射燈，成個場都無得話揀邊個燈開，一係就全黑，一係就全白，而且燈係偏黃。佢本身個樓底設計都唔係話高，同埋係無stage, 成個場都係平，所以我講野個陣，D人都應該唔係好知發生緊咩事😂 野食方面，我D親戚朋友個個都話D野食係好好食😋😋！特別係佢地一開始嗰個冷盤整左好多乾冰，跟住成枱都係D煙，好似雲咁既效果。個陣都好多人話嘩，好靚呀😍好勁呀！賓客feedback都係好positive，我聽到都係開心嘅。總括黎講如果都係諗住細搞，唔係好需要decorations之類個D，而係著重食嗰方面，咁我都會推介！當日都有朋友問我，因為佢都有D興趣之後係大公館搞😙