由於我嘅晚宴係自助餐🍽形式，而我證婚之後到晚宴開始之前會有個半鐘頭嘅空檔時間，所以就搵咗Minimal Love係現場setup咗個photo booth俾啲賓客玩吓喇！📸 呢一間嘅photo booth同平時我哋玩開，有部機俾人㩒嘅嗰啲有啲唔同。佢自己老闆會喺現場，有一部大鏡頭，有一塊backdrop，同埋有好多嘅道具俾我哋玩嘅。🤩每影一次相，佢可以即刻印到6至10張相出嚟。而我會揀佢哋嘅最主要原因都係因為佢哋嘅框好靚，亦都可以一次過印好多張相，所以嗰晚我啲賓客都唔需要點樣排隊。而老闆本身個人又好熱情，令到我啲賓客玩得好開心，估唔到連老人家都好鍾意玩，最後仲要加鐘添！😂我哋最初會揀photo booth都係因為可以即刻有相拎，滿足到老人家即刻有相睇嘅心理。而佢哋啲相影出嚟係好高質嘅！👍🏼

我有上過Minimal Production度試過機同相紙個D，其實每樣嘢都ok，但係溝通上面，我就唔係好滿意。一開始搵佢地，whatsapp 完勁耐都無回覆。跟住到結婚前兩、三個月，俾咗相佢地諗住做template，佢地完全無回覆，打電話又唔覆，whatsapp又唔覆，我連facebook inbox都試過，真係用盡一齊方法去搵佢地。At the end去到當日，佢地服務同相紙個D都可以，但我覺得咁樣同客人溝通真係唔得，搵極都搵唔到，會令到新人好焦急同不安。