我一開始搵David Ma其實淨係想佢做我哋嘅註冊律師嘅，之後佢話佢有埋live band嘅service，我睇睇下又覺得幾啱用，所以就用埋佢啦😆。一開始佢會俾唔同類型音樂嘅musician我揀，睇我prefer邊款，最後我就揀咗jazz啦。我覺得最緊要係想有啲background music咁，又可以配合到我哋march in，所以佢哋原本有個vocal我哋無揀到。我除咗march in有preference嘅歌，其他時間都係俾佢哋自己play個song list。其實我都好安心交俾佢幫我處理晒。中間佢哋同我溝通過程都好順利，我諮詢嘅時候會好快覆我，同mc又夾到。因為我個wedding要喺outdoor轉indoor，佢哋都好配合晒所有嘢轉場，會自己搞掂，又無失誤，無俾到啲咩麻煩我😇。我覺得想喺婚禮搵live band嘅新人就可以搵佢哋啦，雖然我無同佢哋傾到太多歌嘅嘢，David都會俾啲suggestion同之前做完婚禮嘅reference俾我睇，可以幫到啲想搵live band但未知邊度入手嘅新人啦👍🏻。

我係經婚享會網站搵到David Ma嘅，跟住睇啲介紹同聽下佢自己YouTube啲歌都覺得幾好，喺whatsapp傾咗下覺得佢幾nice幾配合，又覆得好快，所以就揀咗佢哋嘅live band啦😙。基本上成個溝通過程我哋都無特登出嚟見面嘅，都係喺whatsapp傾。佢有問我有無鍾意啲咩歌，我都有俾啲歌佢再夾下咁。之後佢就揀好成個歌單再俾我睇，但係最初可能入面有啲歌會舊少少，我就問佢可唔可以改返啲新啲嘅歌，佢都願意配合返再改俾我，所以我哋都覺得好好啊😊。

我最記得就係我係Big day見到David嗰陣，佢即刻走過嚟同我打招呼，好有禮貌。🤩 當晚佢哋演奏嘅時間係七點到九點九，但係印象中佢哋三點幾都已經問我係咪可以嚟set台喇。而啲賓客都大讚佢哋，David同個女歌手有輪流唱，佢哋都唱得好好，敬酒嘅時候又會唱啲輕快嘅歌，台下嘅觀眾都聽得好開心👍🏻。同埋David有時會有較多震音，我覺得都唔錯。Wedding有live band真係正好多，如果鍾意音樂嘅新人就好適合搵佢哋喇! 😆