我想兄弟姊妹裙個款都係似嘅，同色又差唔多款咁🤔我都知道坊間好少店可以兄弟姊妹嘅款都有齊......咁佢依間d衫會擺曬係架，可以望下自己鍾意嘅款再揀色🤓不過試衫就可能有少少唔方便，因為佢都只係得1-2個試身室😌我姊妹嘅身型唔同，啱嘅款都唔同，所以我就揀咗三個款比佢哋。

佢哋車工都好好啊，唔會有甩線問題，唔同長度嘅話都有得改，又可以收窄、放大🤔兄弟嘅煲呔係手工整，多少少tailor made嘅感覺！大家都好滿意⭐

我地揾左U-Man Ｗedding訂兄弟衫，一開頭都覺得ＯＫ無咩特別。到我big day嗰朝化緊妝，我老公打比我，問Ｄbowtie喺邊，咁我地就係度搵，諗住應該都係放左係西裝嗰度架喇，點知無喎😦得一個兄弟有!嗰時係朝早５點幾６點， 我地諗住Zara嗰Ｄ都要１０點先開，買都未買得切😩所以我就試下打比U-Man，打第二次就竟然有人聽！佢即刻幫我check，然後搭的士去攞，再搭的士拎到酒店，成件事都係半個鐘內搞掂。我揾左個姊妹去接佢，佢黎到都不斷講sorry,我姊妹比封利是佢，佢推左好耐先接。雖然係有蝦碌野，但佢真係去補救，而且咁快處理好，所以我地好滿意佢地👍🏽後尾有兄弟去左佢地度造褲，都話好好著同埋好快起到貨👏🏻