聽講Le Mariage 好出名，係一個空姐開嘅😌我無試呢間D婚紗，因為我已經係第二間揀好左... 呢度租左三件晚裝，覺得佢D款比較young d，同埋好新淨嘅感覺。我著嗰陣，可能一開頭未減好肥，有少少迫爆嘅感覺，但都著得落嘅😂因為係兩年之前book佢，咁兩年之後減完肥就岩岩好，連改都唔使改，真係岩岩好，fit到正！😝 衫嘅款式都比較切合香港女人，比較stylish 同埋 pure，我自己個人就覺得容易揀D，佢有好多款我都好想試。比較過第二間，感覺上就覺得呢間似係香港女仔想要嘅野。 店主做空姐成日都要飛黎飛去，有一次我去攞婚紗，因為搞錯左個時間，差D唔記得去拎。咁岩我又係上環附近，我同佢講我聽日去攞婚紗，先知原來唔係聽日而係當晚😳我都遲左半個鐘，又知道佢嗰晚又要飛，都特登等埋我，等到最後一秒比我拎埋先走，然後趕住去機場返工，所以佢地service都好好！

我第一次見到呢間舖頭係喺蘋果動新聞嘅訪問，佢地嘅特色係同一件婚紗每一款唔會有好多件，而且係世界各地搵返嚟，款式多得來唔會咁容易撞款😎佢哋嘅服務好好，唔會好似老闆同客人嘅關係咁，而係好似朋友咁傾計。而且佢地肯比我地試多幾款婚紗，多過原先可以試嘅數量，因為款款都太靚，好難揀🤣！最後我地租咗三件for pre-wedding：一件婚紗、兩件晚裝；big day：兩件婚紗、一條敬酒裙、兩件晚裝，性價比好高！👏🏻👏🏻