化妝師叫Ellen，我對佢係接觸得比較少，除左試妝，同埋結婚之前半年曾經同佢whatsapp過，講過個流程點樣去配合之外呢，就係當日去見面... 但係so far黎講我同佢個感情反而係最深，都係好神奇！💗其實試妝嗰日我覺得佢個人比較cool, 咁我都覺得唔緊要嘅，溝通到就得，靚就得喇 😆 咁其實試完呢個妝，我就有少少唔甘心想去試埋其他，所以我都再試多三間，但係影出黎個效果就係呢一間比較好D，所以就move on。 到結婚半年前，我就再同佢傾下姊妹化妝、媽媽化妝，同埋幾點鐘開始呢D流程上既野，磨合下。到 Big day 當日見佢，我係大學站出嫁，佢住離島，咁佢就要好早好早出門口，但佢好好，好準時！😇佢當日化嗰個妝係同當初試妝嗰陣一樣咁高水準架！由朝早佢一路同我傾計，咁慢慢就建立到D關係😚 到後尾我換完最後一個晚裝，佢就靜靜離開，後尾仲係whatsapp度繼續同我keep contact。我地交換左facebook, 亦都應承左去佢間茶餐廳度探佢咁樣！我見佢其他客人都係有類似我嘅關係，結完婚之後都會一齊食飯呀，甚至生完仔都去佢離島個茶餐廳度搵佢，我覺得都好ok 架！ 咁當日我個要求都唔係好高，只係唔要馬尾一定要係半half，好似人地公主頭咁樣就ok。佢係超快手，半個鐘之內可以幫我轉妝再加埋set頭！👏🏼佢轉妝又會幫我著埋衫咁樣，所以佢成個流程都係好熟手，好快手！同埋佢好容易就可以配襯到D花材係我頭上面，D頭飾佢係好快就可以做到決定😚