初戀映畫
First Love Pictures
4.9

〝初戀〞除左字面既意思,它代表著夢幻、純真、幸福、快樂及甜蜜,亦包含了一點點悲傷、擔憂、困惑及迷惘。當中隱藏無數既可能性同情感,就好似星空一樣,我地看得到卻又摸不透。所以各位準備結婚或已婚既客人,竟然兩人係眾裡繁星相遇,希望大家一同感受〝初戀〞為彼此帶來的愛。甘老土一段野都係想解釋下我地公司個名,原因太多客打來搵初戀,同時亦為公司做一下總結。



AWARDS



c



最新評論
整體滿意度
4.9
過濾評語:
Kong_LAU
4.5
精選評論
其實搵到First Love Picture係好巧合嘅事,我哋同好多新人一樣都受到疫情影響,去到好後期先突然要拆開擺酒同註冊。原本我已經搵咗攝影公司for whole big day,但係咁嘅情況,原本公司唔肯拆兩日就唯有額外再搵另一間公司。當時情況都好臨急臨忙,好快咁睇唔同公司嘅相又睇下婚享會嘅評價。發現First…

其實搵到First Love Picture係好巧合嘅事,我哋同好多新人一樣都受到疫情影響,去到好後期先突然要拆開擺酒同註冊。原本我已經搵咗攝影公司for whole big day,但係咁嘅情況,原本公司唔肯拆兩日就唯有額外再搵另一間公司。當時情況都好臨急臨忙,好快咁睇唔同公司嘅相又睇下婚享會嘅評價。發現First Love Pictures對比其他公司風格更加多元化,畫面感同故事性更為凸出,於是就決定係佢哋了~

職員阿光好友善又服務熱誠,為咗令過程更加流暢,會問我地好多嘢,又會同我做briefing,睇得出佢好緊張新人嘅服務體驗。佢又會去了解我想要咩風格嘅相,對於我哋嘅服飾搭配等等都會比好多唔同角度嘅意見。

註冊當日嘅兩位男攝影師會教我哋企咩位置,第一次影咁正式嘅相唔多唔少都唔習慣㗎喇,好彩攝影師好有耐性咁指導,而唔會比好大壓力我哋。其實除咗影相之外仲有段video,攝錄師會幫我諗好曬個story flow同動作,我哋照跟之後就可以收穫一條好連貫好似mv嘅片段。

後來我同老婆仲有寵物狗狗都再去搵佢哋幫我影一輯家庭相。家庭相係純studio相,場景風格偏向warm,俾我哋嘅感覺係想營造家庭嘅感覺,相信如果studio嘅地方可以大少少就更加舒服,不過都明白香港空間真係好貴。今次就係一個女攝影師叫阿Yo幫我哋影。阿Yo好識得捕捉狗仔嘅神態,角度、動作都帶出一種好溫馨嘅感覺。家庭照仲有包埋化妝師,化妝師好配合到我老婆嘅需要,比到一個好清新自然,唔浮誇嘅妝容佢,好適合當日影家庭照嘅主題!

攝影
Suyi Cheng
5
精選評論
當時我見到First Love佢哋嘅相同文字就已經一見鍾情!佢哋嘅相好似識講嘢咁樣,好有電影感。我之前睇過一啲大公司、大影樓發現唔係自己鍾意嘅感覺,好似有啲僵硬咁,我自己就希望攝影師係會專注喺人嘅感情表達方面。見到佢哋嘅相,我係傾都冇傾嘅情況之下就已經直接決定咗佢哋,俾埋訂金😂我係後來聽朋友講,佢搵其他公司係會事前開會…

當時我見到First Love佢哋嘅相同文字就已經一見鍾情!佢哋嘅相好似識講嘢咁樣,好有電影感。我之前睇過一啲大公司、大影樓發現唔係自己鍾意嘅感覺,好似有啲僵硬咁,我自己就希望攝影師係會專注喺人嘅感情表達方面。見到佢哋嘅相,我係傾都冇傾嘅情況之下就已經直接決定咗佢哋,俾埋訂金😂我係後來聽朋友講,佢搵其他公司係會事前開會見吓面,傾吓去邊度影先再決定是,但係我哋就真係臨影嘅前一兩個禮拜先開始商討,第一次見就已經係影相當日,無論係攝影定化妝都係。 諗返起當初都唔係冇猶豫過同擔憂過,影完之後都知道可能係緣份嚟嘅。見咗面影咗相之後所有嘅猶豫都煙消雲散,好放心交俾佢哋處理。🤭

攝影師係一個女仔嚟,叫Yoyo。佢令我非常享受成個過程,冇想像中咁辛苦,我覺得都係同佢嘅風格有關。因為佢唔係會要求新人刻意擺post嘅攝影師,反而係追求自然嘅感覺,希望可以影到我同我先生嘗試傾偈啲場面。即使我先生比較木訥,佢都好識得引到我先生做一啲表情出嚟,例如透過問問題然後我哋一齊答又或者係等我哋喺放鬆嘅狀態下有講有笑咁,不過有陣時個樣真係會幾崩壞嘅。🤣

我哋係揀咗喺清水灣公園度影,其實一開始我都冇咩所謂去邊度影,只係要求要藍天同埋青草地,但係去到嘅時候真係覺得驚為天人,好似除咗我哋兩個之外成個場景都係藍天白雲,對比起一般嘅婚攝場地係非常獨特!第二個地點進就去咗屯門附近一個有好多棕櫚樹嘅景度影,着便服影下日落咁。我同先生都比較鍾意着便服嗰輯,都係覺得點影都好靚。💗

化妝師叫靜儀,我一開始對佢其實已經好有親切感。事源就係我一開始有諗過喺佢哋度拍一條叫婚禮前傳嘅片,就係成長片段加愛情故事嘅混合體,可以俾我10年之後睇返都依然咁感動嘅片段。我自己都想知道我先生對於成個愛情故事有咩諗法,好似我頭先提過佢比較木訥,如果係透過一個訪問形式知道佢嘅諗法嘅話,我覺得都係一個好好嘅回憶嚟。😉 講返靜儀先,佢就係我哋睇sample嘅時候其中一個主角嚟,我當時深受感動,所以當知道係佢要為我化妝嘅時候,莫名就有一種好親切好安心嘅感覺。佢當日嘅表現的確係非常之理想,因為由清水灣到屯門一東一西咁遠,仲要都係郊外地方需要企喺度轉妝、轉髮型,成個過程佢都係非常之專業,冇話過好攰又唔會黑面等等。當日嘅妝同髮型佢係根據我嘅輪廓發板,我自己雖然唔係好化妝,但係都知道佢嘅妝容好清新、好自然同好持久,就算我着住重型婚紗流晒汗都唔會影響到個妝!👍🏼我覺得佢哋所有嘢都可以話係無懈可擊,唯一意見就係如果可以提前少少同新人溝通吓就會更好,大家都可以準備得充足啲。不過我都好明白係同佢哋風格好有關係,佢哋真係好藝術家嘅感覺,好多嘢都係靈感行先。後期嘅相簿製作佢哋都會比好多意見我,加入咗佢哋嘅諗法之後成件事變得更加豐富,佢哋唔會淨係迎合客人嘅意見,而係喺兩者之間取得平衡,令到成個效果好完美。😆

攝影
最新優惠
聯絡商戶