我對髮型同埋化妝係腌臢嘅，唔鍾意好韓式，而Mabel真係有落足功夫幫我去set, 我覺得佢真係好好💖！ 我一開頭都有試妝，出面試妝嗰啲可能一個鐘，但佢就唔怕我試得耐。同埋中途你想變款，都可以隨時whatsapp佢，想要的啲咩妝，都可以sd相俾佢睇。佢都話佢係好明白啲新娘係會好心多嘅，可能一開始以為係咁，但係上網睇睇下人地覺得靚啲又可能會想要，所以佢係好歡迎我繼續send相俾佢睇😎 同埋鍾意邊個頭飾，佢都會幫我去搵。Big day 當日佢都係keep住係我隔離，正常make up artist都會坐低食下野，但我見佢都無咩食過野嘅，好投入！佢好易話為，例如佢見到我媽咪個妝甩左，雖然我媽咪唔係佢化，佢都會幫下手！同埋後期我先知原來新聞報導員周嘉儀同埋傳珮嘉都係跟開佢！😆 總之如果佢化唔到你想要嘅妝，你話俾佢知，佢會跟返你，唔會話太有性格咁堅持佢自己諗法。中間換妝換髮型都係好快手，佢俾人嘅感覺都係好有經驗，而且價錢都係好合理，仲平過我曾經好想book嘅一間... 我都試過兩間，先再決定搵返佢！👍🏻