兩位攝影師都係女仔，影相會比較細心，呢個都係佢哋嘅賣點😌 婚禮當日有2P1V，兩位女攝影師，拍片係男仔。佢份人好幽默，拍片時氹到我哋好開心，又拍咗好多好多videos！我哋之前睇過佢哋嘅作品，風格比較柔和，出門時影得到更多細節位，好特別😍我哋叫佢影返自己嘅style就可以，因為我哋都係欣賞佢哋嘅作品所以先揀佢地。佢哋好多細節位都記得，例如有咩地方需要補拍，值得拍更多相，即刻安排到流程，感覺到佢哋好有經驗！早拍晚播條片拍得好funny好開心，我哋冇特別要求，只係想出嚟嘅效果令大家都睇得開心😌不過婚禮完咗未夠三個月，所以我未收到相，暫時未知效果如何，但我對佢哋有信心！如果只計當日performance，朋友問我一定會介紹呢間！😆