花頌工作室有限公司
ABc Flower Workshop
4.8

ABc Flower Workshop致力結婚花球佈置, 名稱源自一個三口子的小家庭, 代表A小姐, B先生和c小朋友, 一同牽著手,過著簡單幸福的生活。正因如此,以心聆聽客人所需, 以手製造客人所要, 亦是 ABc Flower Workshop 一直以來的宗旨。

我們全以 tailor-made 設計, 締造bespoke輕婚禮佈罝及結婚花球,我們備有多款輕婚禮package選擇, 盼能以花藝為您們的婚禮加添優雅。

我們承諾以一顆誠心,一雙巧手及精湛的花藝,締造你們一生最浪漫的一天。



AWARDS



Bespoke Bridal Award 2020   c



最新評論
整體滿意度
4.8
過濾評語:
Allen
4.5
精選評論
Abc Flower Workshop係太太發現嘅,我好相信佢嘅目光。🙈喺傾談嘅過程中我都覺得佢哋係一間希望盡善盡美嘅公司,而且價錢非常相宜。而最吸引嘅點係佢曾經喺我哋擺酒嘅酒店做過Decoration。場地係Hyatt Centric始終比較新,佢哋有經驗嘅話相信會更加手到拿來。😎

Hyatt Centric有室內…

Abc Flower Workshop係太太發現嘅,我好相信佢嘅目光。🙈喺傾談嘅過程中我都覺得佢哋係一間希望盡善盡美嘅公司,而且價錢非常相宜。而最吸引嘅點係佢曾經喺我哋擺酒嘅酒店做過Decoration。場地係Hyatt Centric始終比較新,佢哋有經驗嘅話相信會更加手到拿來。😎

Hyatt Centric有室內又有露天嘅地方,我哋商量緊擺arch嘅時候都擔心大風嘅問題,怕會吹跌,所以有經驗嘅公司係好重要。😂 ABc俾咗好多sample我哋睇,上去workshop嘅時候都直接睇到顏色嘅choice,唔需要擔心話WhatsApp同手機像素嘅問題出現色差。全部嘢都係非常真實,令到人哋好安心嘅感覺。😚雖然佢哋唔會每一日都keep住update,但係時不時就會同你講而家個進度去到邊,又會send一啲visual圖俾我。👍🏼

Indoor嘅Decoration係佢哋主導,outdoor嘅就係我同太太嘅諗法嚟嘅,主要想做返典雅嘅感覺,採用左藍色同香檳金嘅設計,indoor同outdoor design會互相配合。除咗藍色之外(藍色係我同太太鍾意嘅顏色,所以作為主色),仲會配搭一啲唔同顏色嘅花俾我哋。😉

佢哋當日set 場好快手,比我預定嘅時間仲短。我最滿意ABc嘅地方就係會周不時send visual圖俾我。有時候單憑語言,未必可以想像到時場景係點,透過圖像我就已經預想到大概嘅效果,成件事都令人地安樂好多。🤓

場地佈置及花球
Jodie
5
精選評論
係落決定之前我都對比過其他公司,發現ABc Flower Workshop所包嘅嘢係咁多間公司當中最實用嘅,而且睇過佢幫客人佈置嘅場地都比較符合我想要嘅感覺,特別係Arch嗰個位簡直係dream type。😍 再加上佢不時就會update相上社交媒體所以比我嘅感覺好真實,同時佢哋透明度好高,願意俾我親自上worksho…

係落決定之前我都對比過其他公司,發現ABc Flower Workshop所包嘅嘢係咁多間公司當中最實用嘅,而且睇過佢幫客人佈置嘅場地都比較符合我想要嘅感覺,特別係Arch嗰個位簡直係dream type。😍 再加上佢不時就會update相上社交媒體所以比我嘅感覺好真實,同時佢哋透明度好高,願意俾我親自上workshop睇吓佢哋嘅運作。所以我都對佢哋抱住一個好大嘅期望同埋信心,當然佢哋都冇令我失望啦。😉

佢哋唔單止願意陪我site visit,仲要幫我諗定好多我自己都冇預想過嘅事。我自己就覺得場地佈置本來只需要考慮擺位,但係佢會幫我諗埋顏色應該點樣襯,細緻到連枱花點樣襯場地都會幫我諗埋。😳 由於我想像唔到畫面,佢仲會用佢嘅方法引導我,盡量比一個full picture我。👀

喺顏色方面佢都非常之細心,會主動問我哋嘅長輩會唔會介意用藍色或者白色嘅花。基於傳統儀式上白色係婚禮上會比較避忌,就係因為有佢嘅提點我哋最終就轉咗做香檳色。有個種白白地仙氣嘅感覺之餘,又唔係純粹白色。😚

其實我哋只係小型婚禮,本身係唔需要reception table,但係由於我同先生有啲小手作回憶都想有一個位擺放,佢就索性幫我design埋reception table應該要點樣佈置,令到成個婚禮好得體。🤩

場地佈置及花球
花頌工作室有限公司
2022.01.07

我地用專業角度去幫新人營造最難忘婚禮,都好多謝你地嘅信任同發揮,做出一個咁獨特嘅作品,再一次祝兩位新婚愉快💐

最新優惠
聯絡商戶