試衫嗰時Fairy Bridal嘅環境好啲，地方比較大比較舒服，同埋服務好好，Sales都比較有耐性。👍🏻我哋坐係梳化等嗰陣，佢哋都踎低身同我講嘢，覺得佢哋好有禮貌。佢哋啲款式都OK，都係外國啲designer款，都靚嘅，所以我都試左幾款。同埋佢哋有免費試身，開頭話淨係免費試一兩件，但佢哋見我鍾意，就話可以免費試多幾件。😍 咁試左之後覺得幾靚，佢哋服務又好，就決定左。 

平時都係Facebook網上search開婚紗之類，有時就會彈出啲婚紗舖頭俾我，咁都會click入去睇睇佢哋啲款。去Fairy Bridal之前都有去過其他公司，但嗰啲公司啲款都唔係好啱唔係好鍾意。咁我自己都冇話有特別要求，不過我老公就對裙靚唔靚要求高啲。之前嗰啲我哋兩個都覺得唔係好靚， 而呢間我哋都覺得OK, 都算靚，同埋咁啱嗰日個sales自己有試過幾件，佢都有推薦俾我，攞過嚟咁啱個size又啱身，試出嚟個效果都OK。佢哋嘅婚紗同晚裝嘅質地同design都比較高級，覺得好靚。我哋租左一件婚紗同兩件晚裝，佢哋全部都係外國廠做、由外國designer設計，其實同中環嗰啲好貴嘅婚紗舖頭大牌子差唔多。👏🏻 比起之前睇過嗰啲，佢哋款式嘅design都係好啲嘅。首先造工好，款式都係靚嘅，同埋服務又好。佢哋嘅裝修都幾好幾高級，地方幾大，樓層比較高。雖然係工廈，但玻璃窗望出去嘅景色都算開揚，感覺幾舒服。🙂 當時嘅職員都有同我哋介紹咗主要嘅婚紗有邊幾款。佢哋先問我哋鍾意邊啲款，然後就攞咗iPad出嚟俾我哋自己揀，任我哋慢慢睇。有兩個職員協助我試身，佢哋都好注重客人嘅隱私，幫手擺好一條裙就會先出去，叫你條裙差唔多著上身，遮好啲私人部位，有需要再嗌佢哋入嚟。佢哋啲職員服務態度好好，價錢方面都合理，啲款都係外國designer款。可能因為係工廈，所以相對中環嗰啲會平啲嘅，我都接受到。我另外都租咗一件媽咪衫。如果即場試咗唔啱，佢哋有師傅即刻幫你改，呢樣都做得幾好。其實佢哋大部分都好好，不過如果佢哋嘅地毯吸下塵會好啲。😉

我係係行婚展既時候對佢地display出黎既婚紗一見鍾情，因為婚紗背面既設計好特別，係交叉既設計，出面比較少見，同埋前面係我鍾意既deep v設計😍😍，所以好快就決定揀呢間。加上佢地既sales一D都唔hard sell,向我介紹既過程中都有俾好多時間同空間我考慮，尤其Serve我既Karmen態度真係唔錯👍🏼。之後我同媽咪上去佢地舖頭試身，佢哋專登搵咗同事serve我媽咪，又有俾佢同我一齊試裙，所以媽咪都話D staffs真係好sweet。舖頭空間好大好舒服，但係我覺得婚紗款式可以再多少少就更加好喇。不過最重要既係D Staffs真係好welcome我地試，完全無收任何試身費又或者試身既件數限制，我最後揀個件因為係一手既婚紗，所以都好新淨。同埋我本身唔係好慣著高踭鞋，職員同改衫師傅竟然教埋我可以點樣行路會穩陣D😆，又幫我改短裙入面塊裡布避免太長我會容易仆親，真係好體貼👏🏼👏🏼！！最後還衫個陣我唔小心勾爛咗少少個頭紗😖，但係間公司都話佢地整得返所以無罰我錢，真係好nice! 呢間真係我試過咁多間入面服務態度最好既一間，所以我已經介紹咗朋友幫襯佢地！😆