我係上網見到Fairy Bridal嘅，之後上到去佢哋舖頭，佢哋嘅款式好多，同埋因為係品牌婚紗，所以好靚😍。佢哋嘅員工會先俾部ipad我睇有咩款先，唔會hard sell嘅，之後佢哋會解釋唔同款嘅婚紗就適合唔同時段，譬如外影同march in適合咩款多啲。

佢哋嘅試衫環境非常寬敞，有個好大嘅窗可以照到陽光入去，成個環境好舒服啊。就算同時間有其他客人，大家都可以分到兩邊去試衫，咁就唔會尷尬啦，同埋有同行嘅朋友或者另一半都有地方坐，唔會覺得好侷促。試衫嘅時候又有專門嘅同事幫手，唔洗等其他客人逐個逐個試😆。

最深刻係我第一次上去試咗好耐，但係佢哋都好有耐性，又會拎埋花球同頭紗俾我一套過咁試。最後我喺佢哋度租咗兩件婚紗，佢哋有一次轉款機會，我就去到最後先轉。佢哋final fit都好有心機，我final fit咗兩次，但係唔係因為佢哋改得唔啱，係我想改到條裙更加好更加貼身。我租嘅婚紗係新款，我仲要係第一手著條婚紗，我覺得以佢哋價錢嚟講好值得，賓客都讚我嘅婚紗好靚啊🥰。

我已經介紹咗Fairy Bridal俾朋友啦，不過因為佢哋嘅婚紗有牌子，咁就做唔到出面入門級婚紗嘅價錢，所以會比較適合有要求嘅新娘子啦🥳。

我哋係喺婚展認識到Fairy Bridal嘅，覺得幾合眼緣，坐低傾左之後覺得ok，價錢同package各方面又幾好，所以就揀咗佢哋啦。其實我都有坐低聽過其他兩三間嘅介紹，但最後都係覺得Fairy Bridal係最有誠意。化妝師又會親自落場喺現場講解返，唔係一般嘅sales齋嗡，講解得都好清晰詳細，又有show埋啲作品同衫俾我哋睇，好啱我哋心水😊。而且佢哋唔會hard sell，因為我哋傾完行咗一個round先再返去佢哋嗰度落訂嘅，最後就喺佢哋嗰度租咗婚紗、禮服同媽咪衫，仲有化妝服務。我哋上去佢哋嗰度試衫同試妝果陣，見到佢哋嘅studio好大，裝修好靚。揀衫嘅時候佢哋俾我任揀款任試，又會幫我分析下我嘅身型，之後就住我揀嘅款有唔同建議俾返我，唔會話黑面，又有個裁縫姨姨幫我手試衫，好貼心🥰。試衫嘅環境好寬敞，可以放兩條婚紗，仲有好多空位，另外有好大塊鏡可以睇清楚上身嘅效果，同埋嗰度有好大嘅簾隔開每一間fitting room。Big day前一日我哋上去拎衫，見到條裙都係好似之前試衫嘅咁靚，同埋佢哋Big day一個月前可以轉款，因為佢哋返新款都返得好密，好彈性處理。化妝方面我哋係喺同一個studio試妝嘅，化妝師會幫我分析下我嘅面型，再睇下我適合咩妝容，會問我鍾意咩髮型之後設計咗幾個俾我睇，俾咗啲專業意見我🤓。我婚宴嗰日係擺晏晝嘅，完咗之後化妝師都會跟住我去外影一路跟到傍晚，都無再額外收錢。同埋佢永遠都會喺我視線範圍出現，我有咩需要佢會第一時間衝過嚟幫我補妝，真係好細心🥺。賓客都有讚話條裙著得我好瘦，就算我身型唔瘦佢哋都可以幫我改到盡量啱身，同埋我老公同媽媽都好滿意佢哋件衫啊👍🏻。我都會介紹Fairy Bridal俾其他新人，佢哋嗰度新郎新娘同媽媽衫都有，好全面。