去到Infini Love Bridal 現場睇款式唔算好多，婚紗款式一般，不過紅色晚裝靚，所以我先上去睇下。佢哋晚裝係自己設計，獨一無二，唔會撞款，每一件衫都有個名，有自己嘅故事同意義，幾特別！不過我自己唔太鍾意啲衫後面係拉繩，拉繩可以慳咗改衫嘅步驟，但會冇咁fit、冇咁靚。件衫啱身，但係low cut，副乳嘅位唔會點幫我修飾到。佢哋員工幾細心，會同我傾下計，介紹每一件衫，佢哋對D衫好熟悉。佢哋知道我大概鍾意咩款式，好快就拎到啱款嘅畀我試。