Sky100場地好闊落，所以影出黎嘅相都靚好多～Sky100嘅staff 都好主動幫手做嘢嘅😇不過因為冇廚房, 所以就好似到會形式嘅自助餐，食物冇得refill，都有少少怕賓客唔夠飽🤔不過食物質素都幾好嘅, 咁其實我地都搞得好趕，所有嘢一個月搞掂，有咁嘅效果已經好好啦🤩

我哋原本係喺擺酒嗰度證婚嘅，但係擺酒postpone咗，所以要再搵另一個地方做證婚，我哋一諗地標就諗到Sky100，之後上網睇下佢哋有無做呢啲服務同價錢幾多。

我覺得佢嘅地點比較特別，所以未睇過個場就已經confirm咗喺佢哋嗰度做證婚啦😆我哋係交啲相同USB嘅時候先第一次上個場睇，覺得個場同想像中接近，有落地玻璃同出面可以睇到香港景色。去到有個同事接待我哋，解釋得好清晰，係我哋想要package嘅嘢😇Confirm咗之後佢哋好主動咁開咗個whatsapp group，因為我哋有搵deco公司，佢哋就主動建議加埋deco公司嘅聯絡入whatsapp group，咁Sky100嗰邊就唔洗經我哋同deco公司中間傳話，confirm咗之後我哋已經唔需要點樣去involve同deco公司溝通，呢個做法真係好好👍🏻

我哋請咗50個賓客，佢哋都讚個場好靚好特別。Book嗰陣佢哋已經講咗未必會有staff喺度幫我哋招呼賓客，但係一早會有個統籌嘅同事喺度，幫我哋set up好啲嘢。我哋要行兩三級樓梯上個檯，但係嗰兩三級樓梯中間又有條欄杆仔隔開兩，啲人有時會唔小心卡到，所以樓梯呢個位可以改善下，就會更加方便老人家啦☺️

我會介紹Sky100俾其他新人，我哋中間睇咗幾個場地，價錢上佢一定唔係最平，地方亦唔係最大，但佢勝在有地標性，我覺得係值得嘅，所以想要證婚地方特別啲同有啲gimmick嘅新人就可以考慮下佢哋啦。