兩年前我朋友結婚，我已經mark咗佢幫我化妝。之前pre-wedding我飛去濟州影相，幫我影pre-wedding嗰攝影師突然甩咗我底，但我臨時又搵唔到第二個人幫我影，後來隔咗幾個月再去影，因為我自己少化妝，呢個化妝師好詳細咁同我講要點做。試妝我都試咗四、五次，我自己唔係好知道想要咩，再加上鴛鴦眼，佢幫我試咗好多次，好helpful！佢冇加到我錢，話只要我明白同鍾意就ok！有時我自己修眉，佢都會叫我唔好再修，已經搞到高低眉。因為我唔識化妝，佢好包容我嘅無知，幫我試幾次妝，解釋到明白為止！後來我哋變到好似朋友咁friend，佢仲叫我平時有咩化妝唔識都可以去問佢，原本過大禮嗰日我都叫佢嚟化妝，但係當日佢接咗個big day job，問我係咪真係想佢嚟化妝，我叫佢唔好過嚟，前一兩日佢仲不停打電話嚟問我識唔識化、搞唔搞得掂，拎一堆工具畀我，超貼心！💖