同Martin出黎傾個陣佢先會同我哋商量下個流程，又會問下我地既愛情故事，點相識等等，到Big Day當晚就會講返出黎。當晚影相都係全靠佢安排👏🏼👏🏼，無佢既話肯定會好亂同影唔晒。搞氣氛就不過不失啦，都係搞下爛gag個啲😄，講野就爭少少啦，可以再好笑啲train多啲，但係我feel到佢已經好用心準備。佢都幫輕咗我好多，例如同啲兄弟姊妹、攝影師、經理溝通好晒啲分工，lead住成個婚禮，好上心好盡責，所以我個晚都好放心唔洗諗啲咩。同埋佢個晚都好投入，我都好滿意👍🏼

Martin當日幫我地好多，帶動到成個氣氛！因為有陣時個流程都會好緊張，例如邊D人要去影相呀，點樣安排，之類，但係Martin同個攝影師本身係認識，所以佢同攝影師合作得好好，令到成個夜晚都唔會話有D咩甩漏咁樣。再加埋佢地又會同化妝師夾返D流程，時間，變左成晚不論係影相，定還是化妝各樣野都好配到，佢同各方面都係溝通得好好。而去到最後，成件事我都覺得overall好好，完全無問題，亦都將夜晚個氣氛帶得好好。