我係透過攝影師Irene揾到Janice幫我化妝，pre wedding同big day都係佢負責。我覺得佢好細心，之前我揾過一個係好惡死，但Janice係全程跟到足，又幫我啲姊妹補埋妝。

本身我喺studio影左一輯相，我想話big day都揾返Janice化，佢仲特登揾我約左一日，幫我試左三四個妝。上次我撻訂嗰個淨係同我試左兩個妝，仲要好急，好似催住我走咁。反而Janice仲會叫埋攝影師Irene配合，影左好多套衫，俾意見我邊套好睇，邊套唔好睇，之後又俾番啲相我睇。

本身Janice同Irene都係朋友，佢地配合得好好，人又好細心，會幫我著衫，連我啲姊妹nude bra都幫佢地戴埋。我有啲咩唔鍾意，佢地都會一路留意住。因為上次我同佢講，撻訂嗰個化妝師整到我個頭亂晒，而且舊嗰個攝影師見我半隻眼遮左又照影。

佢地知道左之後，兩人全程好配合，一見到我啲頭髮跌左落嚟就即刻執番。同埋我結婚嗰日都好熱，Janice一路都冇出聲，又幫手擔遮，整呢樣嗰樣，真係好到無得彈。👍🏼