因為我地係呢間影pre wedding,所以係度租婚紗會有折，咁我就係個度租咗一件婚紗。我覺得呢間好靚，係off Shoulder款，好plain既，因為我唔鍾意咁多細節。我想多謝Bonnie,佢全程都好好service好細心,我試咗六，七套婚紗，佢都ok。總之成個過程都好舒服😚。鋪頭幾大，婚紗都幾多款可以揀，環境幾舒服。同埋佢俾我big day前兩日去攞婚紗，唔洗前一日先攞咁趕。👍🏼

上網搵到呢間舖，見到佢哋啲相覺得幾啱自己感覺，佢地係偏韓式，同埋主要影室內，因為我個人唔太中意室外。上到去佢哋studio都覺得係幾新同幾大，影相同化妝都係由韓國人主理，同埋啲婚紗都係有牌子，好靚。😍 影相方面因為佢哋係韓國人影，所以會有個香港翻譯喺度。佢哋開頭嗰陣會brief咗我哋先，之後要搬櫈呀，之類都會好helpful。同埋因為佢哋係專攻室內，所以啲成品都好靚，而且佢哋啲職員都好有禮貌。初頭影完睇相嗰陣有啲失望，但當執完相之後真係靚到符合到我哋嘅expectation!! 好自然好靚！😍 化妝方面佢哋都係好淡嘅韓妝，有少少韓劇宣傳照feel，當日同化妝師相處落都幾舒服，佢都幾好同幾專業。 而衫方面，當時去到試咗幾件都幾靚，同埋我想講嘅係佢哋試衫嘅地方好整齊，唔會好亂，所以上到去真係好舒服！ 不過而家開始生意多咗，佢哋嘅職員可能唔會擺到太多時間比我哋，但佢哋有個package係包九宮格油畫，呢個真係未接觸過，真係好靚💕