我同其他鋪頭compare過先揀呢間既，其他鋪頭一係就要落單先俾試身，一係就價錢太貴質料又殘舊。最後揀呢間就係因為價錢比較平民化，款都新淨，因為屋企人都覺得新淨好重要。

試個陣職員態度都ok，肯主動幫手同介紹。呢間款式選擇唔多，但係我揀到我鍾意既款所以都ok，同埋其實掛既款式黎黎去去都係個啲所以我就無咩所謂。我地仲租埋男掛同奶奶掛，選擇都係得3-4件，但係咁啱揀得啱所以就租埋。

我老公本來都唔肯著掛，但係呢間有羅仲謙結婚著個個款既掛，佢試上身又覺得幾好睇，所以就一齊著埋😂同埋$8-9000租到三件掛真係好抵，比出面平一截，我個件$4XXX，但係淨係俾人著過一次，真係算平。以呢個價錢黎講整體都滿意。👍🏻