呢間租婚紗既舖頭我好推薦，因為佢地啲款好靚好特別，同埋我覺得佢地將啲婚紗保存打理得好好。我覺得佢地既賣點係A-line,Lace同埋魚尾款婚紗都特別靚，如果有準新娘鍾意呢啲款都可以留意呢間。同埋我留意到其他公司部分係唔會點打理啲婚紗，我見過有鞋印係婚紗上面，但係佢地都直接租俾其他客。但係呢間就會洗乾淨先租俾下一個客人，咁就對其他客人會公平啲。老闆啊Kit好好，會好盡力幫我套婚紗襯啲首飾，同埋會提供埋首飾租俾我。如果之後再補擺返酒我都想再租呢間😆。同埋我見到佢都有出租褂同媽媽衫，啲款都幾靚，我覺得佢地入貨都幾有眼光，啲款都會比較特別。同埋我係朋友搭朋友咁認識到呢間公司，所以我都相信佢係幾有口碑，對佢都有信心。同埋我好欣賞試身落訂既過程全程都係由一個Staff去服務我，感覺會好啲同埋專注啲。咁我試身個陣店主都會幫我地影相，然後問返我意願先放上網俾其他客人參考，咁我就覺得佢係好尊重客人既。佢地舖頭都裝修得幾企理，試身同揀衫既空間都好充足好舒服。👍🏼👏🏼