我地係婚展見到有間攝影公司唔錯，同個攝影師又啱傾，見佢地連用咩相機📸、啲相想點影法都好似幾專業，所以就揀左佢地。睇得出佢地好有經驗，而且好準時。嗰日朝早要佢地9點到，佢地都提早左15分鐘到達。到左之後就即刻開始做嘢，睇下點影、影邊到會靚啲咁。朝拍晚播嗰個video效果都唔錯。👏🏻 中午嘅時候我地有去啟德郵輪碼頭影外景，佢地都真係幫手影左好多好靚嘅相。我地嗰日準備左啲透明遮俾兄弟姊妹，佢地都有善用啲道具，影左好多好靚嘅角度，覺得幾好。