係搵Makeupbysueey - S Bridal MakeUp試妝之前我已經試過另一間。但係之前嗰間實在化得太成熟，呢間啲妝望落啱我年紀好多，同埋一試我就已經知係我想要既效果。因為我隻眼之前做過手術，所以有疤痕，我覺得好難痴睫毛上去。但係化妝師係幫我痴睫毛既時候就好細心，幫我遮得好好👍🏼👍🏼。同埋佢係兩個幾鐘內幫我轉到兩三個髮型同妝，好快手，試到我啱為止。Big day當日就係Sueey跟我一個，另外仲有助手幫我啲姊妹，親戚化妝，助手都化得唔錯。佢地最近仲開始自製埋頭飾，唔淨止買出面啲頭飾，佢整既鮮花頭飾超靚！佢會事先準備定一啲襯我氣質或者我鍾意既花，所以我覺得佢好細心，做得好好。當日佢就幫我用天山雪蓮整咗個花環出黎，係後面睇真係勁靚😍😍😍！當日佢總共幫我轉咗5個妝，全部我都好滿意，啲親戚朋友都讚我望落好後生添😝！我自己真係好怕個妝化得好誇張好濃，Sueey就化得恰到好處，唔會太濃，但係又有啲野睇下。最印象深刻就係佢轉妝真係好快。全日佢幫我轉到5個妝加5個髮型不特止，仲要我影完外影之後，個妝已經溶地，Sueey竟然可以好極速咁幫我抹走原本個妝，再幫我重新上妝，但係完全無overrun。😱 同埋當日佢身兼好多職，除咗化妝之外，仲會幫我攞下裙，提點我好多野，但係佢都完全唔介意。我見過其他人既comments都話佢好細心，如果個新娘唔識戴con佢會幫埋個新娘戴，又會注重埋新娘個眼神，提我要戴color con。佢當日化完個妝之後仲會用自己部相機影低做reference，同埋將個啲相send返俾我，啲相仲要影得好靚😚！所以我真係好推介佢，有朋友結婚既話我都一定會向佢地推介Sueey💓。