當初去睇嘅時候覺得有好多款式都係我中意嘅，但係又係嗰個問題喇，服務係狂係度催😖。氹個個過程呢令人感覺好壓迫，好似使盡所有嘅招數要令到你係嗰度買咁，「我依家先比到呢個價錢你架，你去番婚展搵我我唔會比呢個價錢你架啦」咁講。我又係犯賤嘅，因為個價錢真係好鬼死抵，咁佢啲婚紗又真係得，就好似好被逼地但又自願地去買左。但係個感覺係唔好，呢啲sell嘅方法係真係令人好唔舒服🙈。

後尾我第一次上去試婚紗嘅時候呢，我想要嘅款基本上都冇，即係冇嘅意思係話借左出去，會遲啲先翻。同埋好似我感覺佢係冇聆聽到我想要啲咩，即係同其他公司好大分別😟。佢成日話捉唔到我想要啲咩款，推介啲唔係我中意嘅款比我試，然後口裡面嗰句就係：你試下唔同嘅款，你要試左唔同嘅款先知道自己著得好唔好睇。好多客啊初頭話要咁啊要咁做，出到黎完全唔同架。我知，我唔介意試你推介比我嘅款，但可唔可以比我試左我中意嘅款先呢。同埋又係嗰樣嘢，就係好趕收工。佢冇講到出口快少少，但個面口係黑黑地咁樣，又係售後服務超差。臨走之前同佢地講「可唔可以我中意嗰啲款如果返左通知一聲啊」，佢答返我個答案係「呃好難做到喎我地有咁多客」，我真係覺得莫名奇妙。

同埋佢地好特別架，佢地完全唔提供whatsapp，一係就直接打電話，一係就facebook message，搞到我唔知道同緊邊個講野。同埋係張單都好清楚列明左我地嘅email去比返張單我地黎，點知send到黎我男人個email打錯左啦，咁我就覆返話唔該改返，呢張係單黎嘅，係有我地嘅personal details係上面嘅，有我地嘅私隱，唔該你地改返。跟住佢下次覆返黎嘅時候有我先生個email，但依然係錯左嘅email，咁改乜嘢姐🤦。

呢個分係比喺佢地個地方真係企理、乾淨啊、同埋大啊，同埋佢地用嘅褂係用冠南華嘅褂，用一個咁相宜嘅價錢可以有冠南華嘅褂呢就真係好抵嘅👍🏻。

第二次上去serve我嘅係另一位同事，佢就好熱心地幫我搵啲我中意嘅。佢今次係完全聽得明我想要啲咩啦。其實我嘅要求好簡單，我中意啲款就係簡單款。所以佢一聽就即刻明☺️。今次呢個真係好唔同喎，真係大分別。又細心又明白我嘅需要，結果其實試左幾條已經試到我心水嘅，直頭唔使ot🥰。所以唔係個公司問題，係員工個別問題，連啲員工自己都講。因為以我所知其他婚紗公司都係會有一個人跟開就跟對新人，但呢間公司就唔會嘅。今次呢個同事就主動講話佢地四月零應該會番新貨啊，叫我四月零再約上黎啦，即係主動比啲suggestions同埋offer我，真係貼心好多😆。

我係婚展同上網都有睇過Charmante Wedding Couture，佢地最吸引我既地方就係我地可以係呢間公司一次過租曬所需要既衫同裙，即係褂、婚紗、晚裝、奶奶衫都可以一次過搞掂曬。😎 同埋因為婚展期間有優惠，所以我地就即場決定咗揀佢地。佢地服務都幾好，每次試身最多只有兩對新人係度。每個case都會有專人跟，而且係任試。佢地既款式選擇唔算多，尤其男仔衫就更加少，但係每個種類都有啲。衫既質素都幾好，唔會殘舊/污糟。佢地間公司既空間都幾大，所以揀衫試衫都好夠位同舒服。Big day當日有好多人讚新娘既衫好靚啊! 👏🏼👏🏼