Perfect Wedding Professional 攝彩花車攝影
1
最新評語
整體滿意度
1
過濾評語:
alan9251987
1
精選評論
服務 / 婚宴日期: 2019.10.26      
(評語審查部: 以下內容涉及敏感字眼,經過修改後一律以X表示,敬請留意。)

我地婚期係今年年尾,我地都知年尾果日好旺,咁我地就打算早一年半前開始book 定結婚野。 尼個伏就係關於Big Day 攝影,間野係Prefect Wedding Professional 精彩花車攝影,  我地一開始都擔心個價錢咁平會唔會係…

(評語審查部: 以下內容涉及敏感字眼,經過修改後一律以X表示,敬請留意。)

我地婚期係今年年尾,我地都知年尾果日好旺,咁我地就打算早一年半前開始book 定結婚野。 尼個伏就係關於Big Day 攝影,間野係Prefect Wedding Professional 精彩花車攝影,  我地一開始都擔心個價錢咁平會唔會係伏,我地本身Budget 係16-18k, 佢一開就平一半左右,佢自己就拍哂心口話自己同自己條Team 幫我地影,我地睇完d 相,又好似ok, 佢又講到自己間野本身做開租車,自己有十幾部Tesla,又不斷同我地講其他行家係點樣去呃人,人地d 質素點點點...又話自己有定薪攝影隊唔係外判,外邊好多公司都會用佢地條Team,我地都諗住質素可以接受,又平d, 就信左佢,Sell到我地落左單,唉,只怪自己太易信人。

尼間 Prefect Wedding Professional 精彩花車攝影係大概去到婚期得返8個月果時,佢就無啦啦同我地講原來果日係大旺日,好多人問,佢話自己都無接到,點知再過多2個星期後佢話佢接左人地單係影晏就,係呀你無睇錯,佢係我地Big Day 果日接左另一張單!又話人地又求又點,一開始話影完朝早,晏就外影會由第二隊人補上,夜晚盡趕返黎,有無搞錯呀,我地真係好擔心囉!尼d 野唔係應該我地book 左你地在先,你地就唔應該再係當日再接其他客?完全無操守可言!就算你係接左唔想做我地就早講,唔好拖到咁遲先講...得返7個月時間,仲要果日大旺日,又話當初個價收得我地好平!大哥,你個價錢係明碼實價印左係Catalog, 到尼家我地仲有留底,個價又係你開既,即係你想同我地講咁既價將就下? 果日大旺日,好既攝影師早就比人book 哂啦,你係有心定點...焗我地接受你地個安排?? 錢要照比?

仲話自己係Prefect Wedding Professional, perfect? Wedding? Professional? 係邊?之後我地就開聲話佢可唔可以唔中間走左去同換人影,我地都同佢講好驚個效果唔好,唔連貫,佢就話會安排下,又講到你如果真係擔心就退錢比我地,喂大佬,你尼家係咪玩我,尼個時候好既都無哂,cut 單後到時搵唔到攝影師我地又死,咁唯有忍,佢仲要話我地成日行婚展,即係唔信佢, 喂大佬,你知唔知尼家結婚有幾多野搞? 仲有我地行關你咩事呀?

有一日行婚展,我地其實都係諗住睇Deco 本身都無諗過睇big day, 諗住算,果日有朋友send 左張相比我地,話佢地用左我地係日本影既相囉出黎做Banner! 你用之前有無問過我地?? (我已cap 相), 諗住去睇下,咁無啦啦有另一間既sales sell 我地Big Day 拍攝,我就隨口講,你都唔會有期,佢check 左真係無,就問我地點解咁遲先問big day, 咁我地咪講左出黎囉, 點知仲好笑,可能果個sales 同左Prefect Wedding Professional 果個人講,佢打黎話我唱佢地,又話佢自己想cut 單又乘,又話我討厭,話我好唱佢!聽到火都黎埋,如果唔係你果日接左另一單,我地會問人?我地要擔心?但係大局著想,又未搵到replacement, 我都唔敢得罪佢,佢話已經幫我地book 左另一個師父比我地(咁即係同佢當初應承我地佢條Team 幫我地影又係吹水,又話佢係行入邊都算貴(聲稱收4500$一日)d 攝影設備點勁點勁,我地問佢攞相睇版,攞左成個月都未拎到,我地對尼個人講既野既信任度已經得返零,好在有朋友介紹下,有個幾出名既攝影師咁岩個客轉左日子,比左個期我地攝入去,雖然係貴好多,但起碼我地安心先!

另外,Pre wedding 落完單2星期左右,咁本身自己係香港已經book 左間韓式室內攝影,都無咩諗住再搵其他Pre wedding,佢又無啦啦offer 左個好平既價錢話去日本影相,佢又話自己係果邊咁岩有big day, 有哂成條攝影隊化妝師係果邊(2個攝影師,個化妝師又係夾開,我地都試過妝),我地只係自己帶衫就得, 諗住咁平當去多個旅行。到我地買哂機票之後,點知佢同我講人地仲果邊取消左,好啦,咁佢就話照影,X!點知變左family trip, 同佢爸爸媽媽去,仲有老婆,個媽咪係化妝師! 搞咩野? I don’t know what is prefect wedding professional again? 之後講係日本租車, 一開始就話叫我地坐佢車比路費就算,好,佢話佢老婆都影,佢話佢老婆另外book 左個化妝師,佢部車係8人車,未計化妝師已經有7個人(d 新娘著既衫又大件,又要化妝,點坐8個,佢仲有攝影器材),當初係佢叫我地租多部車,我都算,當去旅行舒服d, 之後又話我好租車搞到佢租車成本高左咁多(8000幾蚊),你估我想租多部車比多2千幾!? 仲有你果8000幾蚊係for 你玩足7日既租車錢,唔好計埋落我地到,一開始係你自己講,我地比路費就得! 另外,選地方,我地唔熟日本地方,一開始你話去箱根+富士山影,最後去左伊豆,一直都係你老婆諗想去就去,🤷🏾‍♂️最終用左3日時間去影相,你仲要話我地哂左你3日時間!? 你影1日你夠相交比我地咩!?你估我地好得閒哂3日時間旅行同你玩?影相又無啖好食!最後果d 相,我地好辛苦先揀到35張,質素簡直係,,,

更多優質選項
攝影
4.7
攝影
4.7
攝影
4
攝影
4.5
攝影
4.1
攝影
4.7
攝影
4.6
攝影
0
攝影
4.6
攝影
4.4
攝影
4.3
攝影
4.8
攝影
4.8
攝影
4.8
攝影
4.1
婚紗禮服
4.2
最新優惠
聯絡商戶