我喺YouTube上面有唔同嘅live Band片段，比較咗好多間之後，Neo Music無論係曲風定係樂手都啱我哋心水，我哋仲去埋嘉里酒店嘅Open Day度睇佢哋現場表演添。而且佢哋解答我哋問題比其他公司詳細同令我覺得舒服，有時我好夜先WhatsApp負責人Jean，佢都會即時回覆，價錢又明碼實價，令我哋感到好安心！🥰

Neo Music俾我哋嘅自由度好大，一開始我有好多歌都好想要，佢哋嘅樂手都話冇問題。佢哋好專業，會有個歌list俾我哋揀，揀歌好方便又清晰。🤩 其實我哋嘅婚禮因為疫情改過一次期，仲要喺big day前三日先至確認場地，因為時間太趕嘅關係，所以整唔切rundown。Jean好好，會體諒新人喺疫情之下舉行婚禮，佢話兩日前通知佢婚期，佢會盡量幫我安排好晒，唔使我擔心😭。

去到big day當日，Jean好識執生，仲會同其他vendors圍埋一齊傾應該點做，真係好專業，最後婚禮都順利完成！👍🏻 Big day當日佢哋嘅表現真係好完美，基本上冇嘢可以挑剔，在場嘅賓客都好滿意好enjoy！佢哋好識帶動氣氛，表演完個個賓客都拍手！如果價錢上再相宜啲就好啦，哈哈！😆 不過呢個價錢都好合理㗎啦，提供到相應嘅服務之餘，仲會幫我哋做好多額外嘅事情添！👍🏻 好似我呢啲又即興又多要求嘅新人，搵Neo Music就最啱啦！🥳