Never Ending Story
4.7
62214174
關於 Never Ending Story

品牌成立於2015年,並於2018年成立實體工作室。設計師修畢b&A Floral Art School 婚宴花藝佈置設計專業證書;及後不斷進修,曾到台灣、韓國、英國等地學習。成立初期主力鮮花花束或花球等小形花品設計,及後涉足婚禮、教堂及商業用途的場地佈置。2017年曾為Art Basel 私人晚宴佈置晚餐桌。

品牌設計偏向簡約清新,特別適合於餐廳或室內佈置。曾佈置場地包括Lost Starts, Upper House, 灣仔Wooloomooloo, 深灣遊艇會等。



材料選擇:
鮮花
材料選擇:
鮮花
材料選擇:
鮮花
材料選擇:
鮮花
最新評論
整體滿意度
4.7
過濾評語:
Ceci
4
精選評論
我婚宴嘅場地比較特別,見到Never Ending Story做過呢個場地有經驗,可以信得過,價錢又合理。而我搵過其他公司,佢哋無做過個場地會唔明有咩難處,所以最後我哋就決定搵Never Ending Story做啲簡單嘅佈置啦😆。
我開頭係喺IG message搵佢哋嘅,之後佢哋會用email send啲propos…

我婚宴嘅場地比較特別,見到Never Ending Story做過呢個場地有經驗,可以信得過,價錢又合理。而我搵過其他公司,佢哋無做過個場地會唔明有咩難處,所以最後我哋就決定搵Never Ending Story做啲簡單嘅佈置啦😆。

我開頭係喺IG message搵佢哋嘅,之後佢哋會用email send啲proposal俾我。佢哋解釋得好詳細,一講就知我哋想點整,會盡量滿足我哋嘅要求。我做咗好多research,send咗啲reference俾佢,佢就話可以做到,之後做少少修改,已經好啱我哋用啦。譬如整arch上面嘅字咁,我哋係用返個場地提供嘅arch,個arch係用樹枝整嘅,承重唔大。我喺室外用個arch,原來想要啲複雜少少嘅款,佢哋就解釋返如果複雜少少嘅話有機會會吹倒,同埋又怕個支架承受唔到。最後佢哋平衡過,設計咗個唔會太單調嘅同無咁重嘅款,咁就唔洗擔心吹倒啦。

去到big day嗰日見到嘅實物我哋好滿意啊,做到我哋想要嘅感覺😍。同埋嗰日我化妝整頭嘅時候先發現帶漏咗啲頭飾,就臨急臨忙問佢哋有無啲花剩咗可以當頭飾用,佢哋好幫手,搵咗好多款俾我嘅化妝師,幫我解決到一個好大嘅問題啊🥰!我哋嘅婚宴比較小型同簡單,如果有朋友同我嘅規模差唔多就好適合Never Ending Story啦👍🏻。

場地佈置及花球
kuenying
4.5
精選評論
我哋係去教堂行禮嘅,晏晝行完禮就會去間法國餐廳食個午宴,因為嗰度唔係做開婚宴,所以無咩佈置。另外因為間餐廳係開十二點嘅,我哋行禮係十一到十二點,如果我自己行完禮再搵人去佈置又佈置唔切,所以最後就…

我哋係去教堂行禮嘅,晏晝行完禮就會去間法國餐廳食個午宴,因為嗰度唔係做開婚宴,所以無咩佈置。另外因為間餐廳係開十二點嘅,我哋行禮係十一到十二點,如果我自己行完禮再搵人去佈置又佈置唔切,所以最後就想搵佈置公司可以幫手,我喺Facebooksearch下就搵到Never Ending Story😆

我有問過其他幾間佈置公司,但係價錢相對會比較貴,所以就無特別去考慮。Never Ending Story嘅價錢合理,我睇到佢哋Facebook嘅相已經好鍾意佢哋嘅佈置,性價比高啲,所以先會再搵佢哋傾。佢哋喺Facebook傾嘅時候已經好有耐心,我將我嘅問題同咗佢哋講,佢哋會唔怕麻煩咁幫我一齊諗要點樣解決

我睇佢哋啲相係佈置教堂多啲嘅,不過見佢哋嘅package都適用於西餐廳。之後我哋上佢哋office傾,佢哋嘅同事解釋得好清楚,佢哋嘅office有好多佈置材料可以睇,譬如有啲花咁,佢哋會問我鍾意咩花,同埋俾之前做過嘅佈置我睇下鍾意咩feel,佢哋就會跟我想要嘅feel去佈置👍🏻。同埋,佢哋會問我嘅請帖係咩樣,之後再睇咩類型嘅花會襯,好窩心!

最意料之外嘅係佢哋問我會唔會有餐廳嘅負責人可以聯絡下,俾佢哋上去個場地睇下個環境,我覺得佢哋真係好上心😇。最後就由佢哋負責佈置reception檯,有鮮花、相架、油畫架同好多細嘅裝飾,因為間西餐廳有條樓梯,佢哋就會另外幫我佈置埋條樓梯。

不過我大概半年前去book嘅,傾完去到婚期前我哋都無咩溝通過,如果佢哋可以喺接近婚期嘅時候主動聯絡下對新人,簡單再提醒要準備啲咩就更加好啦😊。雖然見面嗰陣佢哋有叫我要準備相,但係我唔知具體要準備幾多,要我再去問佢先知道。

我嘅佈置唔會好複雜,交晒俾佢哋去諗,所以我哋好放心交俾佢哋啦🥰。因為結婚好多嘢搞,去到結婚前一個禮拜先醒起我無跟過佈置嘅野,但係我去到餐廳嗰一刻真係「嘩」一聲,真係好靚啊,賓客都大讚,話啲佈置好襯間餐廳😍

有朋友需要我都會介紹Never Ending Story俾佢哋啊,我見佢哋有做教堂、聖堂同小型餐廳,所以喺呢啲地方行禮同舉行婚宴嘅新人就好適合搵佢哋啦🥳

場地佈置及花球
Never Ending Story
2020.04.24

多謝Kuen Ying同先生嘅評語😍為新人設計理想嘅佈置係我哋嘅責任,見到你哋咁鍾意我哋嘅佈置,我哋都好開心😊最後祝你哋百年好合!😆

最新優惠
聯絡商戶