金珠媽濟州婚紗攝影
Kimchumma JEJU Wedding
4.5
920-1 Nohyeong-dong, Cheju, Jeju-do
98119942
關於 金珠媽濟州婚紗攝影

濟州婚紗攝影專家, 香港註冊公司, 提供一站式服務, 包括住宿、化妝、婚紗禮服、翻譯、相簿油畫制作至旅遊等套餐。


濟州設置辦公室, 不經中介人, 香港駐濟州職員直接於當地招待客人,  熟悉當地花季及氣侯,  多位獨家人氣濟州攝影師及婚紗店以供選擇。


濟州的尉藍海岸、樹林、櫻花、繡球花、茫草、紅葉、飄雪、歐陸小屋、草原牧場、廣闊景色一年四季都可以做婚照背景, 配合韓國攝影師拍攝技巧, 捕足最幸福溫馨一刻, 人人都可做韓劇主角!



攝影地點:
海外
攝影地點:
海外
最新評論
整體滿意度
4.5
過濾評語:
BondyTam
4.5
精選評論
服務 / 婚宴日期: 2019.10.28      
因為我鍾意韓國,所以一開始我哋都已經想搵去韓國影pre-wedding嘅公司啦。之後去行咗兩日婚展,其中一日我哋都係收工先去,結果淨係睇咗一間,因為未行完就俾人捉住係咁sell,到最後響鐘先肯放我走。不過第一日俾嗰個人係咁sell都有啲好處,因為佢令到我知道如果去韓國首爾嗰啲studio嘅話就無必要搭飛機啦,所以我就決…

因為我鍾意韓國,所以一開始我哋都已經想搵去韓國影pre-wedding嘅公司啦。之後去行咗兩日婚展,其中一日我哋都係收工先去,結果淨係睇咗一間,因為未行完就俾人捉住係咁sell,到最後響鐘先肯放我走。不過第一日俾嗰個人係咁sell都有啲好處,因為佢令到我知道如果去韓國首爾嗰啲studio嘅話就無必要搭飛機啦,所以我就決心係要搵去戶外影㗎啦🤓。

我自己之前去過一次濟州,覺得啲風景好靚,所以偏向想去濟州嗰邊影。之後第二日我就搵咗個朋友同我一齊去,佢做開婚禮行業嘅嘢,所以好清楚點樣同啲人傾。我就一個鐘內行晒所有有關海外婚紗攝影嘅攤位同攞埋啲資料,其中一間就係Kimchumma啦。我好唔鍾意嗰啲一埋嚟就係咁講嘅,但係Kimchumma無咩sell我,我喺佢哋嗰度stay咗都唔知有無十分鐘,但係喺咁短時間佢哋都好清楚解釋到俾我聽,講到明唔會有任何隱藏收費👍🏻。同埋佢哋好吸引嘅係有一個攝影師係會影埋航拍嘅,係一個gimmick嚟嘅。價錢方面佢哋都算適中嘅,我睇過其他去濟州影嘅公司,有平過佢哋好多嘅但係就無咩配套,都有貴過佢哋成倍嘅,但係我就覺得唔需要咁奢華,所以Kimchumma嘅性價比都算係最高啦😆。我最後join咗佢哋嘅pre-wedding攝影package,包埋住宿嘅,佢哋話咁樣就方便佢哋嚟接送我哋。

第一晚落機我哋喺佢哋度休息一晚,第二日就去影相啦,影完之後又可以休息一晚第二日再執嘢走啦。我都有補多少少錢再喺佢哋度住多一晚,咁時間就會充裕啲,我哋又唔洗咁辛苦啦。因為我2018年就去咗行婚展,但係就2019年先影,所以變相時間會比較長,我都煩咗佢哋好多次🙈。因為我想影得完美啲,但係海外攝影就無得先試咗啲婚紗先,因為Kimchumma喺香港無公司,所以我都有擔心呢樣嘢。不過佢哋同我講話韓國人嗰邊好快手嘅,所以唔洗擔心,咁我都放心啲。但係都有個小插曲嘅,開頭佢哋俾咗兩件studio我去揀婚紗,我覺得第一間嘅款比較少,所以就轉咗第二間。我自己本身係想揀條拖尾嘅,但係拖尾好多戶外都唔俾,因為驚會勾爛同污糟。我想揀嗰間多款揀嘅studio就係咩都唔包嘅,唔包拖尾裙,同埋有啲款有啲額外收費,不過一開始Kimchumma都溫馨提示我呢樣嘢,同埋佢哋知我想搵拖尾裙,仲特登幫我搵多間係可以俾我揀多條拖尾裙出去影相,我就自己上網睇定啲款。原本去到都淨係可以試自己揀啱嗰兩三條嘅,但我都試咗差唔多一般咁濟,真係好好,我最後都揀到自己鍾意嘅款啦🥰。

我哋一早就開咗個whatsapp group,有Kimchumma同佢嘅韓國人老公,佢哋喺我去濟州前兩日就同我講話紅葉未紅得晒,因為我10月去濟州就係想影紅葉嘅,佢哋就算無行程都會特登去到我想影嗰個位睇咗先,但係發現真係唔夠紅,所以Kimchumma嘅先生就幫我同攝影師溝通,介紹咗第二種紅葉,就唔同我哋平時喺香港睇開嗰種,會比較喺樹頂多啲。之後佢哋都send咗啲人哋影過嘅相俾我睇下o唔ok,好上心,幫我做埋research同諗埋方法。佢哋提供好多除咗紅葉之外嘅場景俾我選擇,原本應該係影三個場景嘅,我最後都影咗五個,影咗紅葉、海邊、芒草、花。影咗好多嘢,過程唔會覺得辛苦,佢哋照顧得我哋好好。

我已經介紹咗Kimchumma俾其他朋友啦,我覺得target咗想去濟州影pre-wedding嘅新人都會適合,因為佢哋都好細心。譬如佢哋都會同我哋講定可以準備定啲香港特產同個攝影師share食下,相處可以融洽啲,咁到時影相嘅氣氛都會好啲開心啲啦。我聽過其他朋友講話佢影pre-wedding個攝影師好有性格,同佢夾唔到,搞到影出嚟嘅相佢好唔滿意。Kimchumma嘅攝影師都好好,唔會要求我哋啲咩特別嘢,我都識少少韓文,但係有時真係唔明,或者Kimchumma唔喺隔離翻譯嘅時候,佢都會即刻自己做埋pose話俾我哋聽要點樣,咁我哋都可以即刻理解到啦。

最後啲相出到嚟我哋都好滿意啊,係我哋心目中想要嘅style😊。佢哋可以引進多啲唔同風格類型嘅攝影師就更加好啦,彈性都會多啲。不過可能都唔關佢哋事,因為韓國style就係咁,變咗嘅話可能就唔係韓式啦。

海外
bi0315
4
精選評論
服務 / 婚宴日期: 2020.02.22      
我一開始已經想搵可以去濟州影pre-wedding嘅公司,之後google就彈咗Kimchumma出嚟。原本我哋都睇咗兩間嘅,但係第二間嘅價單就要親自上去佢公司睇,我哋怕麻煩,所以都有啲卻步。Kimchumma嘅package就已經喺佢哋嘅website列晒出嚟,白紙黑字好清晰,都無隱藏式收費,所以就揀咗佢哋影pre-…

我一開始已經想搵可以去濟州影pre-wedding嘅公司,之後google就彈咗Kimchumma出嚟。原本我哋都睇咗兩間嘅,但係第二間嘅價單就要親自上去佢公司睇,我哋怕麻煩,所以都有啲卻步。Kimchumma嘅package就已經喺佢哋嘅website列晒出嚟,白紙黑字好清晰,都無隱藏式收費,所以就揀咗佢哋影pre-wedding啦😆。

我一開始係whatsapp聯絡佢哋嘅,佢哋有再解釋多次去濟州嘅流程同住宿機票嘅安排,我有咩問題佢哋都覆得好快👍🏻。佢哋嘅package就包咗4日3夜嘅酒店、車接送同Kimchumma本人做嘅廣告話翻譯,我哋就一日影相一日去local tour咁。

影相嗰日影影下我突然胃痛,Kimchumma竟然隨身帶咗胃藥,好照顧我,真係好sweet🥰。攝影師都會搞下氣氛,等我哋放鬆啲,影出嚟都自然啲。我哋依家收到啲相嘅soft copy都好鍾意,比較自然嘅風格。揀衫我哋都係去到濟州先揀嘅,女仔嘅款都幾多,個package就俾我揀三條,我都揀到自己鍾意嘅。不過我覺得佢哋男裝就可以包多套衫啦,因為見其他間會包兩三套,但係佢哋就淨係包一套🙈。佢哋仲有包埋化妝師嘅,我都好滿意。佢哋個package全部野都安排得好好,幫我哋plan好晒影相同個local tour,我哋就咩都唔洗諗,如果想影風景或者韓式攝影嘅新人就可以搵佢哋啦😊。

Prewedding婚紗攝影
最新優惠
聯絡商戶