海濱長廊既ClubOne好似新開一年左右，所以真係超靚，好新淨😍我地有睇過酒樓，但係覺得麻麻地，酒店既價錢又偏貴。考慮過好多因素例如地點係咪就腳、場地質素、食物之後，我同另一半最滿意都係ClubOne。佢地個場地好grand,樓底又高，同埋係無柱設計，所以每個賓客都可以睇得好清楚。加上場地係四方形既設計，一眼望曬，唔會有死角位，感覺好舒服。地理位置方面，佢地有提供接駁巴士，有兩個地鐵站可以俾我揀。食物質素真係令我有驚喜！ClubOne無免費提供試菜服務，要加錢先有，所以我地事前無試過佢地既食物。但係去到Big Day當日，好多賓客對野食都幾滿意，如果5分係滿分既話佢地俾3-4分😋。大食既朋友話份量夠食，同埋強調夠熱。我本身對ClubOne既食物無咩期待，但最後質素比想像中高🤩未去到好好食，但係已經好ok。 但可以肯定既係個個都同我講個場好靚好新🥰其實我最緊張係親戚朋友既感受，我知道主家席既服務、食物一定係最好，但我都緊張其他賓客既感受。所以聽到佢地都幾滿意我地既婚宴既時候，其實就好開心。服務我既同事都好細心，基本上成日都好照顧我既需要，例如留意到我幾時要抽高條裙、邊度皺左遮住左都會幫我整理、開席前既嘢飲野食又會幫我留一份、同埋全日都有笑容，好客氣好有禮貌。全部同事都好認真好幫得手👍🏼👍🏼