我去JY Photography Facebook見到有一輯相影得好靚，所以就留意到呢間公司～ 未影JY之前我已經影過另一輯，但嗰輯比較正經少少，而呢輯嘅感覺就比較自然、小清新，可以帶出完全唔同嘅感覺～ 🥰

我哋去咗鯉魚門三家村同信芯園影，三家村着婚紗影，信芯園着便服影～ 呢兩個地方都係JY提議嘅，雖然之前我喺出面影嗰輯已經去過三家村，但上一次主要影景，所以JY提議今次可以主要影人，最後影出嚟嘅效果的確可以俾到我完全唔同嘅感覺～🤩

佢個Package包攝影、花球、化妝，我哋決定去信芯園影，因為想襯返佢提供嘅一個向日葵花球～🌻 因為我哋唔太熟悉點擺Pose，所以JY都好細心去講解同指導～ 佢影嘅時候會叫我哋跑跑跳跳，成個感覺好Young、好有動感～ 不過有時佢會諗起一啲嘢就叫你去做，如果事前再講解多少少就會更好～👍🏻

我老公真係好佩服JY嗰種熱誠同精神，佢好落力咁幫我哋影相，而且啲相出到嚟好自然，唔需要點P已經好靚～ 我覺得比較後生嘅人都可以搵JY，影一輯充滿活力嘅婚照！🥳

我老公同JY Photography嘅老闆經個common friend認識咗，覺得佢影相技術好，所以就話不如big day搵佢影啦😆。因為我嘅婚禮好倉促，9月先識我老公，2月就big day，好多嘢都搞唔切，所以我無比較其他，而且我好信任我老公，一嚟係佢朋友，二嚟佢信得過佢技巧，所以我就無質疑佢，又可以煩少樣嘢。 我哋之前有略略講過個rundown係點，佢哋會睇下rundown，因為佢哋參加好多婚宴，比較有經驗，就會俾啲專業意見我哋改下入面嘅細節。

Big day嗰日有陣時可能我要求張大合照，佢哋就會搵個景提議去嗰度影，之後又會俾好多提示大家，要影一張正經嘅一張輕鬆啲咁。同埋佢哋有個燈光師，好專業好有經驗，唔係一個新手，睇得出佢哋合作過好多次好夾，令到我好放心啊🥰。 大家嘅合作好舒服，因為有啲攝影師會好直接叫人哋要點，但係JY就會舒服啲，提議話邊啲pose會好啲啊，又會搞下氣氛，真係好專業。我自己無影pre-wedding，影相會生硬啲，佢就會俾好多建議我要點擺pose，見到我影到生硬咗就會提我，話個笑係假嘅😂，等我可以改善下。 依家有疫情，佢哋影相嘅時候都有facilitate到個流程，例如有啲guest堅持要戴口罩，咁有啲相就戴口罩影一張，但係對新人就唔洗戴，會儘量就我哋嘅preference，賓客都讚JY好專業👍🏻。不過依家得佢同個燈光師兩個人，如果可以有埋個助手就更加好啦。

我會介紹俾其他新人啊，funny啲同活潑啲嘅新人就會適合佢哋啦，因為佢哋嘅風格比較自然。 Big day之後嘅兩至三日佢已經俾到啲相我，真係好快，啲相比我預期中好。先生覺得呢個價錢係值得嘅，可能係友情價。同JY合作好放心，佢好nice，相處落好舒服😌。最令我意想不到嘅係佢respond好快，有陣時好主動話幫我哋影，好細心好貼心，會企喺我哋角度諗，有啲相得我同老公影，佢就有好多advice我哋可以點影，想我呈現最靚嘅一面，呢一點真係值得讚下🥳。有幾張相我幾滿意，我無expect到佢後面有加工，做出嚟嘅效果好特別😍。