Victor Lam Photography
4.9
關於 Victor Lam Photography

Victor 於 University of Otago NZ 修讀藝術及商業攝影,2002年畢業後從事廣告攝影工作,畢業後從事廣告攝影工作超過十年,曾與 Vogue China, Giorgio Armani 等品牌合作,2013年以個人攝影師身份正式加入婚紗攝影師行列,繼而追求婚紗攝影事業,喜愛捕捉感動、浪漫、真摯時刻。2014年更贏取四項攝影奬項。


自 2014 年起,Victor 榮獲多項殊榮,連續三年贏取 WPPI Honors of Excellence Award、All About Wedding 的婚紗攝影個人組別新晉攝影師及 Fine Art 攝影師、”New Vision” 香港 Top 5 婚紗攝影師等。


All About Top 10 Wedding Photographer

The Year 2016 - 2017

The Year 2017 - 1018

The Year 2018 - 2019


婚紗攝影年度藝術大獎

The Year 2015 - 2016

The Year 2016 - 2017


Top 5 photographers of “new vision”

The Year 2015 - 2016


WPPI International - The Annual

1 x (16x20) Print, Album + Filmmaking 2014 Honors of Excellence Silver Award

2 x (16x20) Print, Album + Filmmaking 2015 Honors of Excellence Silver Award

1 x (16x20) Print, Album + Filmmaking 2015 Honors of excellence Golden Award


4 of 100 Best Wedding Photography

The Year 2014



套餐詳情
Year 2020 Rate Card
最新評論
整體滿意度
4.9
過濾評語:
wing_to
5
精選評論
最初我係比Victor Lam Photography嘅相嘅風格所吸引,認為佢好符合我想要嘅感覺,就係屬於清新風格、唔會浮誇嘅feel。🍀攝影師好識得捕捉我同先生自然同埋開心嘅一刻,好識得拿捏我哋係動態嘅情況下最靚嗰一面,所以影出來嘅感覺唔會好硬梆梆,睇相係感受到當時嘅互動。由我地第一次約出來見面開始到真係pre we…

最初我係比Victor Lam Photography嘅相嘅風格所吸引,認為佢好符合我想要嘅感覺,就係屬於清新風格、唔會浮誇嘅feel。🍀攝影師好識得捕捉我同先生自然同埋開心嘅一刻,好識得拿捏我哋係動態嘅情況下最靚嗰一面,所以影出來嘅感覺唔會好硬梆梆,睇相係感受到當時嘅互動。由我地第一次約出來見面開始到真係pre wedding嘅時候,佢都好樂意去了解我同先生嘅故事,會引導我哋去回想以前拍拖愉快嘅點點滴滴。一諗返起啲回憶就會好自然咁喜形於色。所以係相嘅質素同埋攝影師技巧方面,佢哋係做得好出色嘅!😎去到big day當日,佢哋會早到場開始set嘢,會幫手搞下氣氛,甚至係講埋大妗姐會講嘅說話,例如就係「轉多幾個圈,加多幾個孫」之類,氹下大家開心。🤣我因為big day好緊張,前一晚訓唔夠,好似呆呆滯滯咁。, 佢哋都會提醒我,叫我要笑多啲,話我知今日我係最靚嘅。其實佢哋成隊team嘅人:Alman Li, Victor Lam, Jack Cheung, Alex Chang都好caring,特別係會照顧我當日嘅心情,有咩突發都會即刻去執生,又會幫手安排屋企人嘅坐位。👍🏼所以佢哋係服務方面都係好細心,唔話得㗎!係收返啲相之後,一睇就發現佢哋捕捉到好多我意想不到嘅場面,我big day當日冇辦法每一個人都好留意,但係我見到我堂哥眼濕濕嘅樣都真係好感動,見到佢哋每一個人都因為我結婚而喜悅。我相信都係攝影師功力表現嘅一種🥰

攝影
Cherry
4.5
精選評論
我原本識Victor Lam Photography嘅另一個partner,係佢介紹Victor Lam比我哋嘅,佢話Victor Lam係之前影開雜誌,佢依家影嘅嘢好detailed,所以我哋就咁決定用佢哋2P1V嘅big day攝影啦😊我哋有上佢哋IG睇啲相,佢哋兩個攝影師嘅風格好唔同,幫我朋友影嗰個攝影師影嘅an…

我原本識Victor Lam Photography嘅另一個partner,係佢介紹Victor Lam比我哋嘅,佢話Victor Lam係之前影開雜誌,佢依家影嘅嘢好detailed,所以我哋就咁決定用佢哋2P1V嘅big day攝影啦😊我哋有上佢哋IG睇啲相,佢哋兩個攝影師嘅風格好唔同,幫我朋友影嗰個攝影師影嘅angle會廣啲,睇一個大圍嘅感覺;但係Victor就係好細膩嘅,我哋收返啲相係真係好似影雜誌咁,唔會將兩個人完整咁擺入框,而係focus喺兩個人嘴嘅笑容,又有張我老公攬住我條腰嘅相,所以出到嚟就有幾種風格,我好鍾意啊😆

因為我自己唔太傳統,唔識做啲儀式嘢,又無請到大妗姐,最貼心係攝影師佢哋仲幫我哋做埋大妗姐嘅角色,講啲祝賀說話,又教我斟茶嗰啲,幫我哋run晒成個過程。見人哋啲相好似好易咁,但係其實背後係要做好多嘢,譬如我要䁥喺間房唔可以開門俾我老公。佢哋好多經驗,會好清晰咁話俾我聽依家要影我啦,我就要點樣做,等我知道做緊咩。影相嘅時候佢哋會俾好清晰嘅指示教我哋擺pose,帶動住成個流程。

不過因為我哋唔知,以為送完客走我哋就可以走,所以我哋返咗房落妝,點知佢哋三個有留低打算喺草地度幫我同我老公影多陣相,佢打俾我問我先知,佢哋真係好上心,仲特登留低幫我哋影,可惜我已經落咗妝就無影到啦。睇返啲相的確係比較少淨係我同老公兩個人嘅相,因為一行入草地已經好多屋企人坐喺度,見證簽紙嗰陣又有律師喺度。佢哋有提出可以補少少錢去佢哋studio補返,但係一路都無特別約,或者等我大肚先再去影啦😝

Big day嗰日天氣好,所以影出嚟效果好好,係我哋想要嘅嘢。Victor嘅風格同普通攝影師唔同,佢好睇details,有一張相好令我印象深刻,係我同老公企喺度俾人望住好尷尬,最後我緊張咁捉住咗我老公嘅手指尾,但係佢竟然capture到,我都唔知佢影咗,同埋佢會影我哋背面,影出嚟真係好自然,我好鍾意嗰啲相啊😍

攝影
Victor Lam Photography
2020.03.31

好開心見到Cherry同先生咁滿意我嘅相片, 我除咗攝影師, 都好樂意幫手做埋做埋大妗姐嘅角色架😂 雖然最後冇係草地度影多啲相, 不過我好期待你哋第時帶埋小朋友嚟我studio補返輯相😉最後祝你哋新婚快樂, 三年抱兩!!

最新優惠
聯絡商戶