Bella Summer Productions
4.8
香港荔枝角Room 1701 , W668 , 680 Castle Peak Road, Cheung Sha Wan
9013 2337
關於 Bella Summer Productions

Bella 型格的外表下原來是一顆脆弱的心靈,「我自己是在一個破碎家庭中成長,也經歷過不少低潮,令我對幸福的感受更深刻,更喜歡為別人留下最幸福美滿的瞬間,看到作品中新人開心和感動的神情,就會忍不住傻笑。」有故事旳人,才能拍出有故事的照片,造就了Bella 拍Snapshots 的獨特觸角,令每張照片更真挈感人。對Bella 而言,每張作品背後的組成是她所有的人生經歷,她的背景、讀過的書、愛聽的音樂⋯⋯得到新人亦是知音人的欣賞,就是她對攝影熱情不減的最大動力。


花嫁 10 Best Wedding Photographers 十大婚禮攝影師2019-2020



攝影地點:
本地
海外
攝影地點:
本地
海外
攝影地點:
本地
海外
攝影地點:
本地
海外
最新評論
整體滿意度
4.8
過濾評語:
wpyangela
5
精選評論
朋友介紹Bella Summer Productions俾我哋嘅,之後同佢哋whatsapp溝通過,覺得佢哋唔似其他公司咁hard sell,而係真係想幫我哋影好輯相😇我有compare過其他間公司,但係最後都係覺得Bella比較啱自己。我join嘅係studio加outdoor嘅package,但係依家就淨係影咗st…

朋友介紹Bella Summer Productions俾我哋嘅,之後同佢哋whatsapp溝通過,覺得佢哋唔似其他公司咁hard sell,而係真係想幫我哋影好輯相😇我有compare過其他間公司,但係最後都係覺得Bella比較啱自己。我join嘅係studio加outdoor嘅package,但係依家就淨係影咗studio先,遲啲再去outdoor影。

佢哋studio個size好大,聽朋友講相比其他會比較多場景,係我哋鍾意嘅風格,同埋全部嘢係佢哋自己一手一腳整,所以我哋就比較放心啦。

一開頭就化咗妝先,佢哋係男化妝師嚟嘅,一開始我都有啲concern,但係化出嚟嘅效果好好。個妝容嘅攝影師同化妝師夾嘅,我無咩preference,所以就俾佢哋決定啦。攝影師係比較自然嘅style,係一邊傾計一邊capture啲自然嘅moment,同埋好open for我哋嘅意見,所以成個過程好舒服,又唔會似其他影pre-wedding嘅咁一式一樣😆。

影完佢哋已經即日俾晒所有相俾我哋睇,勁快啊,我哋都O咗嘴。睇到啲相我哋好鍾意啊,因為我同男朋友都唔鍾意太死板嘅,之前我哋喺其他公司影過一輯就係好pre-wedding嘅,而Bella佢哋就係casual少少,我覺得幾好啊😍。我覺得佢哋已經近乎完美啦,不過見到好多嘢都係Bella自己一腳踢,雖然成件事佢可以monitor到個quality好好,但係我都覺得好似好辛苦咁,佢依家好似已經請緊人幫佢手,咁就好啦😙。

佢哋整體嚟講已經好好啦。我一直都有介紹佢俾其他人啊,因為佢哋真係比其他pre-wedding公司好好多,對比package嗰啲都係,鍾意自然風格嘅新人就好適合啦🥳。不過outdoor嗰輯我哋因為疫情都仲未影,Bella好好,無逼我快啲影晒佢,就叫我覺得ready可以影嘅時候再同佢講。我哋依家都已經大概有個idea,會影香港夜景,同埋佢會包一輯微電影,我覺得呢樣嘢好特別,同埋好多時有微電影都會比較貴,佢哋呢個價錢好相宜👍🏻。

攝影
Ching
5
精選評論
我搵Bella Summer Productions之前已經影過兩輯結婚相,但係都唔滿意,望落好生硬。我見到Bella Summer Productions既作品好自然,所以就搵佢地試下。


影既過程好輕鬆,Bella唔會要我地擺啲好造作既pose, 反而影我地兩個好自然既互動同表情,係啲相入面會睇到我地之間既相處同…

我搵Bella Summer Productions之前已經影過兩輯結婚相,但係都唔滿意,望落好生硬。我見到Bella Summer Productions既作品好自然,所以就搵佢地試下。


影既過程好輕鬆,Bella唔會要我地擺啲好造作既pose, 反而影我地兩個好自然既互動同表情,係啲相入面會睇到我地之間既相處同點滴,睇返啲相我覺得呢種風格真係適合我地。Bella好nice,係攝影既時候好take care我地,影到咁上下會關心我地攰唔攰。同埋佢知道我地趕住要啲相,所以好快交到效果圖俾我地。輯相影出黎效果好warm好vintage,我好滿意。


化妝師好聽客人既意見,我唔鍾意太濃既makeup, 佢就幫我化返淡。佢又根據我既喜好幫我設計造型🥰Bella Summer Productions有同其他租婚紗既公司合作,不過我就唔想再洗錢幫襯其他公司,淨係用左Bella既studio入面既選擇,但我已經覺得選擇好足夠👀


Bella Summer Productions 真係一條龍包辦曬攝影、化妝、租衫、場地🥳因為pre wedding實在係好滿意,所以我搵埋佢幫我做big day攝影。Big day我本身已經請左對main crew, 所以Bella係集中影snapshot。雖然Bella同main crew係唔認識既,但係當日雙方相處合作得唔錯,唔會有摩擦。有時Bella想影既角度俾main crew阻住左,但係佢會搵其他角度幫我影。Main crew影完都會俾時間Bella補返啲角度。Bella真係令我地既big day可以full picture咁紀錄低😍有啲相仲自然到影到我翻白眼😂同埋Bella捕捉到我既姊妹同屋企人既花絮,令我係big day之後可以睇返留念💓


我完全無後悔搵Bella係Big day影Snapshot,可以影到隨性又溫馨既結婚相😚 Bella既先生當日都係現場幫手,但係中途唔舒服所以走先,Bella即刻搵左另一個assistant頂上,佢真係arrange得好好,好專業👍🏼我希望Bella可以加油,因為佢地既風格比較特別,唔常見,但係影出黎效果好好。所以我想佢地俾心機維持呢個風格,等多啲人搵佢地影相!😝

攝影
最新優惠
聯絡商戶