其實我本身喺透過instagram睇到Bella Summer Productions嘅，覺得佢嘅性價比高，其實我本身係book咗去日本影，但係依家咁嘅形勢去唔到，所以咁啱見到Bella就決定搵佢影pre-wedding啦😆。

Bella佢哋解釋得好清晰，我哋有開咗個group，本身我係諗住去喺西貢嘅泥涌，但係嗰日水漲，最後我哋就一齊傾，去咗西環嘅一個石灘。影相嘅時候佢會同我哋傾下計，諗下啲故事，同一般攝影師唔同，淨係叫人擺pose，而係可以捕捉返好自然嘅位，我覺得好好😇。

佢哋好細心幫我去安排，去到佢哋嗰度化妝嘅時候，Bella教我要點樣push同戴nude bra，好著重呢啲detail位。佢仲會訓晒喺石灘嘅地下幫我哋影，好專業👍🏻。同埋佢好快就幫我執咗相，影完嗰晚已經執咗幾張俾我睇，我就覺得佢執得好仔細，個feel係我好鍾意嘅，好自然。我俾咗同事同屋企人睇，佢哋都話出嚟嘅效果好靚，唔洗去日本影都得啦。我有啲friend仲有問我攞Bella嘅contact，我都已經介紹咗俾佢地啦。

我覺得想搵新式啲攝影就可以考慮Bella啦，。我老公麻麻地影相，佢會傾下計咁樣guide我哋，好自然，所以我好滿意啊🥰。而且佢哋性價比真係好高，出面唔會有呢啲價錢。Bella係個好有heart嘅人，係學到一定要做到嗰樣嘢嘅女仔，我會俾佢滿分🥳。

我哋見有同事喺Bella Summer Productions嗰度影過相，覺得ok，所以就join咗喺佢哋studio影pre-wedding😆。同事介紹完我就上佢哋ig睇啲相，係我哋鍾意嘅風格。我開頭同佢哋係用whatsapp聯絡，佢哋解釋得好清楚，簡單講咗一次去到要做啲咩，之後影相嗰日先上到佢哋studio。

影之前已經睇過佢哋場景ok先揀佢哋，佢哋studio好多花好靚啊😍。雖然場景唔係特別多，有三四個，但係我係一個mini size嘅影相，所以已經足夠啦。佢哋有提我哋可以帶啲common回憶嘅嘢上去，譬如公仔咁，就有啲extra嘅嘢可以俾我哋影相，我覺得呢個位好好啊🥰。

我最impressed嘅地方係攝影師Bella係會同我哋傾計嘅，咁我哋全程影相都可以好relax好自然，因為我係一對住鏡頭就會好僵硬嘅人，佢咁樣帶住我哋影出嚟嘅效果就好自然啦🥳。

化妝師係佢哋團隊提供嘅，嗰妝我好滿意。收返啲相我哋覺得成件事好唯美啊，完全係超出我哋嘅預期，可能係女攝影師嘅關係，佢會知道邊啲位影得靚，好細緻👍🏻。

我share咗啲相喺ig，已經有friend話好靚，問我關於佢哋嘅嘢，大家都好似幾鍾意。我影嗰輯係比較sweet啲嘅，佢嘅色調各樣嘢係行warm啲嘅路線，有溫馨嘅感覺，可能女仔就會比較鍾意啦😝。我覺得佢哋嘅價錢係偏平，見到有其他間多啲場景嘅收費會貴啲，但係最後揀相都未必可以include到所有場景，所以Bella佢哋嘅場景已經好足夠啦。