因為想用馬仔黎配合我地婚禮既主題，所以揀左係馬場擺酒。場地幾職員俾到好多意見我，例如會好清晰畫俾我地睇台上面跳舞既位置，又會成日俾我地去場地睇size。經理Halennova幫左我地好多。婚禮前一日我地想儲存定啲野係場地，佢地肯幫我地將個結婚糕放左係office。結婚當日都係好幫得手，臨時需要print野，攞一啲道具佢地都會即時幫到我。佢地幫得手之餘係唔會另外收小費或者利士，呢點好好👍🏼野食好好味，食素都照顧得到😋我地唔想要魚翅，佢地都安排得到。同埋馬會有渠道將剩食捐俾一啲有需要既人，呢樣我覺得好好👍🏼場地方面我地都好滿意，當晚另一邊廳無活動，我地就可以用埋嗰度既範圍，所以非常大。露台行出去又會見到成個馬場，個景好靚。唯一既缺點就係樓底比較矮，所以有啲侷促。另外，當晚完左之後職員都好貼心咁陪我執場執到凌晨一點，又留左野食俾我，仲陪我地等車，睇住我地上車先走。呢啲位真係好加分🥰！同埋想多謝樓面既所有姨姨，好細心，默默咁幫我做左好多野，又間唔中同我傾下計，令成個婚禮更加美滿☺