我地淨係試左Kay Chow就confirm會搵佢，個妝化得好靚，而且髮型都set到超立體，堅正🙆🏻u200d♂️佢快手得黎服務仲好好，佢每轉一次妝同髮型都會幫我太太影相，影完之後send返比我地留念📸果日佢會帶埋助手黎，個助手會幫我太太換衫，唔洗我地安排姊妹做，到時到候就會叫我地去換衫，基本上都冇咩需要我地做😆佢會顧住個妝，特登帶飲筒比我太太飲嘢，又會帶遮幫佢遮太陽，好貼心👍🏻

 每個化妝師都會好似助手咁樣跟住，呢一樣Kay Chow都有做到，有咩事就撲出嚟幫手，喂水喂到我自己未覺得口渴又要飲，我好多謝佢哋啊🥰。其中一個好深刻嘅就係朝早著褂嘅時候，佢嚟到已經幫我紮咗一個頭，攝影師就會幫我影相，影完相之後佢突然叫我坐低，之後成個頭幫我拆咗佢重新紮過另一個感覺嘅頭。因為佢話攝影師幫我影相嗰一刻佢個腦突然閃到第二個頭，覺得會更加適合我嘅style，之後就寧願拆過再紮，新嗰個髻的確係襯我多啲😆。佢對妝髮係有要求嘅，唔會話做完就算，同埋佢話見到我個樣覺得我嘅性格唔啱個頭，一定要紮第二個頭，就會跟返每個新娘嘅性格同樣再去調整，好上心，我嗰下好surprised啊🤩。