我開頭上網搵咗好多間big day拍片嘅公司，因為自己做電視台，所以對呢啲嘢有啲要求，唔想條片好leung咁一首歌襯底，咁同相無咩分別。我搵咗好多片俾老公睇，佢開頭唔明，覺得條條都差唔多，睇半分鐘就覺得悶，咁好明顯睇半分鐘就悶嘅係普通嗰啲。睇睇下就搵到OR iMAGE，佢啲片係真係會令人想keep住睇，唔係好誇張好似電影咁，佢啲嘢好真摯，就算睇人哋嗰啲都會覺得好感動😇，所以我哋最後揀咗佢哋。

佢哋同一般嘅videogragher唔同，唔係紀錄一件事，而係喺我個婚禮搵到主軸嘅一個位，之後去發展做一個故事。因為我哋唔想嗰啲好紀錄式嘅，淨係想要個旁觀者去講我哋嘅故事出嚟，會獨一無二啲☺️。我唔想到我80歲睇返嘅時候覺得做咗啲咩，睇邊個送咗咩金器或者擺咗咩pose咁。所以佢哋好自然咁由得我哋發生一啲事，又會搵到當中一啲特別嘢，好令人高興😙。

最神奇嘅地方係我哋無同佢講過我要啲咩，淨係話我唔要啲好典型要擺pose影相或者扭老公耳仔嗰啲，佢哋由得啲事情自然發生就得。好多時睇片會見到啲人多謝兄弟姐妹咁圍埋一堆，我哋都有時會做呢啲情深說話嘢，但係結果佢哋一個shot都無剪出嚟。佢哋剪咗我同我爸爸為主軸嘅一件事，因為對於我嚟講我婚禮多唔多人唔係重點，個重點係我爸爸同我行個aisle出嚟，然後將我對手交俾我老公，呢個對於我嚟講先係婚禮一定要有嘅嘢🥰。佢哋就將我哋嘅嘢剪咗出嚟，真係交代到我爸爸將我嘅下半生交俾我老公接住。我睇嘅時候好surprised，因為嗰朝我同啲姐妹喊到癲咗，以為佢哋會剪嗰啲，點知唔係，原來佢睇到我覺得係重點嘅嘢。

好窩心嘅係佢capture到好多我留意唔到嘅moment，好多事情發生咗，但係可能我喺度騰騰轉唔知道係我爸爸媽媽附近發生咗啲咩事，但係佢哋有keep住去影。原來我爸爸會笑到眼泛淚光，我都係嗰一刻先知道，因為男人實係暱埋，唔會喺你面前做🥺。早拍晚播佢哋嗰晚出咗條片之後，第二日就俾咗個final edit我，係更加好睇。因為我請咗朋友嚟唱歌，佢哋就用咗佢嘅chorus做music under，然後又加咗啲photo slide喺尾嗰度，係我婚禮獨有嘅嘢😊。