Le Serene Photography
4.5
關於 Le Serene Photography

Shirley Sin,是近年人氣女攝影師,風格既清新之餘又古典柔美, 亦帶有時代感。Pre-wedding和Wedding day是她最喜愛的攝影範疇。



曾經當過硬照模特兒的女攝Shirley涉足這個行業,是因為覺得每位女生都可以變身成閃耀的女神,因此她每次拍攝都會盡心盡力教導主角擺出優美的姿態,捕捉自然幸福的表情。加上曾經當過繪畫老師的藝術底子,客人們都稱讚相片的色調和構圖十分有感覺。她說如果一張相片,於客人的人生中佔有重要的一席位,細味流長,便是她這份工作最大的成功感。



AWARDS



C



攝影地點:
本地
海外
攝影地點:
本地
海外
攝影地點:
本地
海外
攝影地點:
本地
海外
最新評論
整體滿意度
4.5
過濾評語:
shunnP
4.5
精選評論
一開始係因為朋友介紹就認識咗Le Serene,睇過佢嘅相感覺幾好,覺得個Mood唔係坊間普通一式一樣嘅攝影,所以就約去Studio了解,睇過佢哋以往嘅相,Shirley會問我哋鍾意嘅風格,佢都會俾番相關嘅Reference俾我哋參考,睇完之後就決定咗㨂Le Serene Photography。🤓

Shirley係…

一開始係因為朋友介紹就認識咗Le Serene,睇過佢嘅相感覺幾好,覺得個Mood唔係坊間普通一式一樣嘅攝影,所以就約去Studio了解,睇過佢哋以往嘅相,Shirley會問我哋鍾意嘅風格,佢都會俾番相關嘅Reference俾我哋參考,睇完之後就決定咗㨂Le Serene Photography。🤓

Shirley係我哋查詢嘅時候,都已經有Send package俾我哋了解細節,價錢、包嘅服務、相等等都寫得好清楚,當日佢都係Suggest 我哋租車同相關嘅收費,成個過程都好清楚。 🤠因為我哋第一次見面嘅時候都簡單講咗自己想要嘅地點,佢都Suggest咗一啲地方俾我哋㨂,所以實際影相嘅地點都係我哋預期嘅一樣,但影相嘅地方其中我哋一開頭想係西環影日落,但因為Closed,佢都會俾Backup Choice我哋,最後我哋去咗三家村、泳棚、中上環同銅鑼灣影咗啲街景。🏙

我覺得整日嘅安排都係好順利同埋Shirley都好配合,整個路線都好流暢,朝早就影婚紗類、夜晚就著便裝就時尚啲。當日Package都有包化妝,當日嘅化妝係師係Ringo,係影相前幾日佢都提前Send定啲相俾我,亦都有簡單去講過佢化妝嘅Idea同我分享番。😍

因為我第一次影婚紗相,我自己都有啲尷尬,但Shirley同佢Partner都會俾我實習下先,又會俾啲建議我哋可以點擺Pose,中間都會Keep住話好靚丫,俾番啲鼓勵我哋,希望我哋可以輕鬆啲影相,佢哋都會有好多擺Pose嘅諗法,佢又會影好多唔同角度嘅相,所以最後出到嚟嘅效果都幾特別。化妝師Ringo會定時幫我補妝,見我笑到太僵,又會提我嘴應該會點會自然啲。🥰

因為Shirley性格本身都好Posetive同活潑啲,令到整日嘅影相氣氛都好好,佢嘅鼓勵又會令我哋放鬆啲,又會見到Shirey係條間度會周圍搵景,其中一次我哋就去咗間Cafe門口,本身間舖頭係關咗門,個老闆見我哋影相就直接開埋門俾我哋入去影,都係Shirey周圍搵地方影,先會有呢個意外收獲。✨

當收到相,我哋覺得啲相又靚又有Feel,佢嘅相感覺有啲走大地色系文青風格,係街景嘅相又影到好時當嘅感覺,我哋都好滿意。💗朋友睇完都覺得攝影師好識得㨂Mood去影相,效果都好好,屋企人朋友都覺得相嘅效果好唔錯。👍

攝影
karolchan
5
精選評論
我之前已經睇過唔少婚攝公司,某啲風格唔係好啱,某啲就係價錢方面有Concern。咁啱我就見到有一個係關於Shirley嘅訪問,當中post出黎嘅相好靚。😍問完價錢之後覺得係可以接受嘅範圍內,所以決定咗係佢地。🤓

當初同Shirley傾談嘅時候,我都覺得佢係一個好健談,但又唔會自吹自擂嘅攝影師。某啲攝影師好強調自己有幾…

我之前已經睇過唔少婚攝公司,某啲風格唔係好啱,某啲就係價錢方面有Concern。咁啱我就見到有一個係關於Shirley嘅訪問,當中post出黎嘅相好靚。😍問完價錢之後覺得係可以接受嘅範圍內,所以決定咗係佢地。🤓

當初同Shirley傾談嘅時候,我都覺得佢係一個好健談,但又唔會自吹自擂嘅攝影師。某啲攝影師好強調自己有幾咁好,不斷讚自己,但係Shirley佢係好似一個朋友咁同你傾偈,當中感覺係令到我好自在、好舒服。☺️

而我覺得貼心嘅位係其實我當初confirm Shirley嘅時候,咁當時日子都未定,但係Shirley已經手寫左一份佢覺得OK嘅rundown俾我,到最後我哋真係base on依份rundown進行做準備,令到成件事係好順利。🥰手寫唔同電腦打,係要用好多心機去改動。要改嘅時候唔係話撳幾個掣就可以做到嘅事,可以睇到佢係一個好樂意幫助新人嘅攝影師,就算做額外工作都唔介意。 而佢一路跟我哋嘅情況跟好貼,喺big day嘅前一個月再會有meeting update返人數方面會唔會有改動。👍

本身我哋嘅package係2P1V,Shirley都有好貼心咁問我哋,會唔會額外需要多個燈光師以防萬一。如果多啲人幫手而佢哋又OK嘅,咁梗係開心梗係樂意啦。✌🏻 當日佢哋所有嘅同事都表現都好好,唯一美中不足係酒樓嘅配套同埋溝通上面出現咗啲問題,導致當日嘅燈光同埋設施都出現咗啲麻煩,一時有燈,一時又冇燈咁樣,令人無所適從。

但係咁混亂嘅情況之下,佢哋唔單止冇黑面冇怨言,反而繼續發揮到平時嘅高水準。🥳我覺得同其他嘅攝影師相比,佢哋真係好專業。佢哋效率好快,影相都係快手快腳,只係搵地方可能會用多少少時間咁解😼

攝影
最新優惠
聯絡商戶