海上遊艇婚禮
OCEANGOGO LOVE
5

OCEANGOGO LOVE海上證婚,提供81’ 呎純白豪華遊艇,隨風慢駛於維多利亞港上,讓360度無死角的誘人海景為重要時刻作點綴,無論是海天一色的白天美景,壯觀的城市景緻,或是黃昏金光粼粼的迷人海色,均讓您盡收眼簾。



頂層清新優雅的證婚花藝拱門、船頭夢幻花飾佈置、柚木色地板,伴隨柔和日照散落,微風輕拂,讓您仿如置身於法國清新小花園之中,營造出最完美的「輕婚禮」場景,加倍溫馨浪漫,簡約卻不失格調。



OCEANGOGO LOVE專業海上婚禮策劃團隊,會提供一站式貼心服務,佈置、精緻派對美食、證婚律師、至喜帖,照顧每個細節,讓新人輕鬆成為最閃耀主角,在大自然及賓客祝福下,訂立不變承諾,並隨心、無拘與來臨親友盡興聊天互動,拍照留念,享受專屬他們的溫馨婚禮派對時光。



證婚典禮
場地類型:
戶外
證婚典禮
場地類型:
戶外
最新評論
整體滿意度
5
過濾評語:
moon_mool
5
精選評論
其實我哋最開頭計劃結婚係2019年,但年中都一路發生好多事,搞到大家都冇咩心情搞結婚。。。就係咁就一路拖住乜都無搞,拖拖吓結果又撞著疫情😞 Anyway,其實我哋一開始係想晏晝個搞露天派對,夜晚先book個地方食飯。但係疫情底下,好多政府措施都朝令夕改,令我哋開始思考婚禮係咪要拘泥於形式之上呢?🤔 與此同時可能因為se…

其實我哋最開頭計劃結婚係2019年,但年中都一路發生好多事,搞到大家都冇咩心情搞結婚。。。就係咁就一路拖住乜都無搞,拖拖吓結果又撞著疫情😞 Anyway,其實我哋一開始係想晏晝個搞露天派對,夜晚先book個地方食飯。但係疫情底下,好多政府措施都朝令夕改,令我哋開始思考婚禮係咪要拘泥於形式之上呢?🤔 與此同時可能因為search婚宴嘅嘢多,部電話就自動彈咗 Oceangogo 條廣告出嚟🤭。。。 咁我哋覺得都真係幾新鮮,戶外風景靚得嚟又無咁侷促,咁即管call 佢哋問吓期又真係就到個期。係度真係要讚佢個同事 Sara,佢好細心咁問我哋期望一個點樣嘅婚禮然後就用游艇嘅方式去解釋被我哋知會點樣呈現出嚟。初時都有諗過佢哋會唔會只有一兩隻船,但係原來佢哋係有好多船揀嘅!另外 Sara 回應我哋問題嘅時候都feel到佢好俾心機幫我哋諗,而唔會刻意引導或者推銷你做更多消費係咁 sell 嘢俾你,呢方面佢真係專業抵讚!
 

我哋都好守規則滿足限聚嘅安排,化妝師、證婚人、兄弟姊妹輪住流水式上船,搞到一直都係岸邊忙嚟忙去🙄係咁嘅情況之下都不得不讚 Oceangogo 嘅職員,佢哋全部都好sincere好盡責,好到唔知點講好,即係感覺大家客人同佢哋員工都係一齊搞呢個 event,大家都feel 到大家係好有熱誠嘅人,唔似一般酒店嗰D炒散staff,感覺到佢哋都想將嗰婚禮搞得順利同滿意。😙
 

另外, 因爲本身可以上船嘅兄弟姐妹真係好少😖,所以佢哋同事都會兼埋做兄弟姊妹嘅角色,例如幫你攞衫、而一影完就會即刻俾件衫你披住。而新娘子嗰邊都有個女職員好幫得手,嗰日我太太唔舒服,嗰位妹妹就立刻幫手俾杯茶佢休息吓、又會協助影相攞嘢,真係直頭做埋姐妹個角色!不過當日都有少少美中不足嘅地方,就係我自己本身係好唔中意藍色嘅嘢,😢咁我講明到時宣誓嘅時候唔好俾支藍色咪俾我。😢 好喇,咁當時我哋係有開 Facebook Live 做轉播,當時宣誓嘅時候我手頭支咪真係咁啱無聲,咁佢哋同事就臨急臨忙隊咗支藍色咪俾我!後來我睇返攝影師條片先知道我都真係無乜笑容🙁,不過點都好啦,就係因為佢地咁真誠為我哋做好個live,即使其他嘢可能有少少差池, 我都覺得完全可以接受,因為佢哋攞個心出來嚟幫我哋係完全feel 到嘅。
 

最後就係提醒各位想係海上搞婚禮嘅新人,係船上搞婚禮有一個超級好嘅好處就係光線角度可以任你哋調,當時記得有一個shot 本來背光,咁同船長單聲佢就立即將船身調轉頭,光綫就立刻正晒!😜另外就係敬茶嘅時候最好同我哋一樣去避風塘,因為真係風平浪靜到一個點!👍真係完全唔覺自己係海上面嘅。另外暈浪丸同外套都最好帶定,始終怕大風,所以如果有老人家同小朋友就最好準備埋俾佢哋。

婚禮及婚宴場地
海上遊艇婚禮
2021.03.30

好多謝你哋百分之百嘅信任, 對於我哋提供嘅整體服務都咁滿意同讚賞, 知道好多新人都希望可以舉行一個特別及難忘嘅婚禮, 海上嘅婚禮好希望可以令你哋有一種與別不同嘅感覺, 對於你哋部份服務嘅建議, 我哋真心多謝你地既意見, 可以令我哋更加進步, 真心感激你們, 最後祝你哋永遠幸福美滿🥰

lolo_ocean
5
精選評論
當初真係唔諗過搞海上婚禮,而第一次見到Oceangogo都係好偶然嘅機會,見到佢地提供嘅船嘅相片覺得好靚。咁我同先生諗住反正疫情關係冇得去外國搞婚禮,不如係香港搞得特別、難忘少少,所以就決定搞一個海上婚禮!😚 揾Oceangogo嘅遊艇搞咗一個晏晝婚禮party,規模唔係好大,因為政府果陣時規定都係Maximum 20…

當初真係唔諗過搞海上婚禮,而第一次見到Oceangogo都係好偶然嘅機會,見到佢地提供嘅船嘅相片覺得好靚。咁我同先生諗住反正疫情關係冇得去外國搞婚禮,不如係香港搞得特別、難忘少少,所以就決定搞一個海上婚禮!😚 揾Oceangogo嘅遊艇搞咗一個晏晝婚禮party,規模唔係好大,因為政府果陣時規定都係Maximum 20人。
 

婚禮之前Oceangogo有同我地開過一次會,主要都係商量下、brianstorm 吓 idea,例如:我會係邊度出發啊、物品嘅擺放位置、成個過程係點等等,而當然都有上船參觀過嘅,睇完之後基本上我就無咩野擔心,成個婚禮嘅流程Oceangogo都好貼心咁幫我地處理好曬,上岸位置啊、邊度影相會靚啲等等嘅問題都唔需要我諗,甚至係有啲我冇留意到嘅細節位都handle得好好😌!
 

對佢地嘅服務同印象真係好好!可能香港比較少人會選擇或根本未諗過可以搞海上婚禮,但係我覺得只要妳係鍾意影相嘅人都可以一試!✨我地係婚禮前一兩個月book都有位,而服務都已經好一條龍,真心唔駛煩又方便,值得推介!😍

婚禮及婚宴場地
海上遊艇婚禮
2021.03.30

疫情對新人嘅影響我哋都好明白, 所以希望新人就算唔可以係海外舉行婚禮, 都可以係香港舉行特別嘅海上婚禮, 從而令自己留下一個美好嘅回憶, 當天我地準備充足, 都好感激你哋感受到我哋嘅用心同熱誠, 謝謝你們對我哋嘅支持 🙇‍♀️🙏🥰

最新優惠
聯絡商戶