海上遊艇婚禮
OCEANGOGO LOVE
4.8
OCEANGOGO

OCEANGOGO LOVE海上證婚,提供81’ 呎純白豪華遊艇,隨風慢駛於維多利亞港上,讓360度無死角的誘人海景為重要時刻作點綴,無論是海天一色的白天美景,壯觀的城市景緻,或是黃昏金光粼粼的迷人海色,均讓您盡收眼簾。



頂層清新優雅的證婚花藝拱門、船頭夢幻花飾佈置、柚木色地板,伴隨柔和日照散落,微風輕拂,讓您仿如置身於法國清新小花園之中,營造出最完美的「輕婚禮」場景,加倍溫馨浪漫,簡約卻不失格調。



OCEANGOGO LOVE專業海上婚禮策劃團隊,會提供一站式貼心服務,佈置、精緻派對美食、證婚律師、至喜帖,照顧每個細節,讓新人輕鬆成為最閃耀主角,在大自然及賓客祝福下,訂立不變承諾,並隨心、無拘與來臨親友盡興聊天互動,拍照留念,享受專屬他們的溫馨婚禮派對時光。



證婚典禮
場地類型:
戶外
證婚典禮
場地類型:
戶外
最新評論
整體滿意度
4.8
過濾評語:
chenggg
4.5
精選評論
我其實一開始就已經對係船上搞婚禮、證婚有興趣,覺得個諗法都幾創新,身邊都冇朋友試過,所以都係抱住躍躍欲試嘅心態。另外一方面係屋企稍微年長嘅人都未試過遊船河,係船上搞個party證婚就可以一舉三得啦!😁有咗依個idea之後就開始著手對比唔同公司嘅服務,開頭都搵過幾間嘅。但有啲呢就唔會出海,淨係岸邊做證婚,有違我當初嘅諗法…

我其實一開始就已經對係船上搞婚禮、證婚有興趣,覺得個諗法都幾創新,身邊都冇朋友試過,所以都係抱住躍躍欲試嘅心態。另外一方面係屋企稍微年長嘅人都未試過遊船河,係船上搞個party證婚就可以一舉三得啦!😁有咗依個idea之後就開始著手對比唔同公司嘅服務,開頭都搵過幾間嘅。但有啲呢就唔會出海,淨係岸邊做證婚,有違我當初嘅諗法;有啲就係要用大船,價錢偏貴。對比之下Oceangogo嘅service、價錢同環境都係最啱我心水。

係決定選擇Oceangogo之後就同佢哋嘅同事開始有接觸,而佢哋同事比我嘅感覺都係好盡責好友善嘅。😊Sara係最初serve我嘅同事,佢回覆問題係好快同詳盡。佢亦都會幫我分析我某啲request嘅優缺點,例如係我有諗過叫佢哋幫手安排水上活動等大家都可以盡興下。但係佢都好老實咁講由於package得6個鐘,時間上唔太充足,就算安排到水上活動都唔會玩到好耐,新郎哥要玩更加難上加難。成個過程係feel到佢哋好nice同helpful,所有嘢都務求令客人明白得清清楚楚。有啲明明係package上有寫低嘅,佢哋都會再解釋一次。而且都會盡量配合我嘅要求,好似上面水上活動咁,即使係玩唔到,佢哋都會積極安排其他活動比我。😚

去到證婚當日,所有事都係意料之內嘅順利,完全唔需要新郎新娘擔心。但係都有一個意料之外嘅驚喜位,係船度就唔同平時酒店、教堂依啲地方,佢哋竟然安排到一段路仔比我老婆嘅爸爸帶住我老婆行,然後將我老婆交比我,就好似一般嘅婚禮咁。船上嘅同事好幫得手,賓客嘅要求會即刻處理,甚至做埋兄弟姊妹嗰份,係我哋敬茶嘅時候幫手遞杯。而我哋敬茶嘅時候已經到咗目的地(西貢),所以絕對唔會搖。😂除左service周到、體貼之外,佢哋提供嘅食物水準係出奇地高。我開頭都對到會食物冇咩期望,點知個個都對佢哋嘅食物讚不絕口,特別係個西班牙海鮮炒飯真係好正。

不過我都有個小建議,就係希望其他菜式嘅份量可以多返少少,咁賓客就可以食得開懷啲,唔洗就住就住。😋我好多謝Oceangogo比咗一個簡單而隆重嘅婚禮我,佢哋幫我安排曬所有嘢,完完全全達到我心中預期,亦都帶比我唔少驚喜。

最後係一啲小tips for其他都想係船上搞婚禮嘅新人嘅,希望幫到大家! 😂
1/. 重要物品(例如戒指)最好跟身,我當日就係因為將戒指放咗係第二層,搞到我哋係甲板嗰層做緊儀式嘅時候要專登衝返落下一層去攞返戒指!😖
2/. 帶定暈浪丸比老人家(唔怕一萬!)
3/. 準備防曬嘅物資比女士們。

婚禮及婚宴場地
海上遊艇婚禮
2021.06.17

不用客氣啊, 謝謝你們對我哋嘅支持及鼓勵, 最緊要你地可以順利舉辦左一個簡單而隆重嘅婚禮,而當中完完全全岩你們心水,及係當天都得到唔少驚喜 🙇‍♀️🙏🥰謝謝你們, 祝你們幸福美滿。

moon_mool
5
精選評論
其實我哋最開頭計劃結婚係2019年,但年中都一路發生好多事,搞到大家都冇咩心情搞結婚。。。就係咁就一路拖住乜都無搞,拖拖吓結果又撞著疫情😞 Anyway,其實我哋一開始係想晏晝個搞露天派對,夜晚先book個地方食飯。但係疫情底下,好多政府措施都朝令夕改,令我哋開始思考婚禮係咪要拘泥於形式之上呢?🤔 與此同時可能因為se…

其實我哋最開頭計劃結婚係2019年,但年中都一路發生好多事,搞到大家都冇咩心情搞結婚。。。就係咁就一路拖住乜都無搞,拖拖吓結果又撞著疫情😞 Anyway,其實我哋一開始係想晏晝個搞露天派對,夜晚先book個地方食飯。但係疫情底下,好多政府措施都朝令夕改,令我哋開始思考婚禮係咪要拘泥於形式之上呢?🤔 與此同時可能因為search婚宴嘅嘢多,部電話就自動彈咗 Oceangogo 條廣告出嚟🤭。。。 咁我哋覺得都真係幾新鮮,戶外風景靚得嚟又無咁侷促,咁即管call 佢哋問吓期又真係就到個期。係度真係要讚佢個同事 Sara,佢好細心咁問我哋期望一個點樣嘅婚禮然後就用游艇嘅方式去解釋被我哋知會點樣呈現出嚟。初時都有諗過佢哋會唔會只有一兩隻船,但係原來佢哋係有好多船揀嘅!另外 Sara 回應我哋問題嘅時候都feel到佢好俾心機幫我哋諗,而唔會刻意引導或者推銷你做更多消費係咁 sell 嘢俾你,呢方面佢真係專業抵讚!

我哋都好守規則滿足限聚嘅安排,化妝師、證婚人、兄弟姊妹輪住流水式上船,搞到一直都係岸邊忙嚟忙去🙄係咁嘅情況之下都不得不讚 Oceangogo 嘅職員,佢哋全部都好sincere好盡責,好到唔知點講好,即係感覺大家客人同佢哋員工都係一齊搞呢個 event,大家都feel 到大家係好有熱誠嘅人,唔似一般酒店嗰D炒散staff,感覺到佢哋都想將嗰婚禮搞得順利同滿意。😙

另外, 因爲本身可以上船嘅兄弟姐妹真係好少😖,所以佢哋同事都會兼埋做兄弟姊妹嘅角色,例如幫你攞衫、而一影完就會即刻俾件衫你披住。而新娘子嗰邊都有個女職員好幫得手,嗰日我太太唔舒服,嗰位妹妹就立刻幫手俾杯茶佢休息吓、又會協助影相攞嘢,真係直頭做埋姐妹個角色!不過當日都有少少美中不足嘅地方,就係我自己本身係好唔中意藍色嘅嘢,😢咁我講明到時宣誓嘅時候唔好俾支藍色咪俾我。😢 好喇,咁當時我哋係有開 Facebook Live 做轉播,當時宣誓嘅時候我手頭支咪真係咁啱無聲,咁佢哋同事就臨急臨忙隊咗支藍色咪俾我!後來我睇返攝影師條片先知道我都真係無乜笑容🙁,不過點都好啦,就係因為佢地咁真誠為我哋做好個live,即使其他嘢可能有少少差池, 我都覺得完全可以接受,因為佢哋攞個心出來嚟幫我哋係完全feel 到嘅。

最後就係提醒各位想係海上搞婚禮嘅新人,係船上搞婚禮有一個超級好嘅好處就係光線角度可以任你哋調,當時記得有一個shot 本來背光,咁同船長單聲佢就立即將船身調轉頭,光綫就立刻正晒!😜另外就係敬茶嘅時候最好同我哋一樣去避風塘,因為真係風平浪靜到一個點!👍真係完全唔覺自己係海上面嘅。另外暈浪丸同外套都最好帶定,始終怕大風,所以如果有老人家同小朋友就最好準備埋俾佢哋。

婚禮及婚宴場地
海上遊艇婚禮
2021.03.30

好多謝你哋百分之百嘅信任, 對於我哋提供嘅整體服務都咁滿意同讚賞, 知道好多新人都希望可以舉行一個特別及難忘嘅婚禮, 海上嘅婚禮好希望可以令你哋有一種與別不同嘅感覺, 對於你哋部份服務嘅建議, 我哋真心多謝你地既意見, 可以令我哋更加進步, 真心感激你們, 最後祝你哋永遠幸福美滿🥰

最新優惠
聯絡商戶