豎琴婚禮音樂演奏
Wedding Harp Music, Arielle Wong
5
關於 豎琴婚禮音樂演奏 Wedding Harp Music, Arielle Wong
最新評論
整體滿意度
5
過濾評語:
winnie
5
精選評論
我可以話係對Arielle嘅風格一見鍾情,於是直接選擇咗佢。當然佢都冇令我失望啦~ 歌曲風格嘅選擇有好多,古典至流行曲都有。佢亦都會根據場地嘅特色介紹唔同嘅歌俾我。除咗最經典嘅婚禮進行曲之外,我自己就比較prefer要流行曲,覺得始終大家耳熟能詳,聽起上嚟嘅時候都會開心啲有共鳴啲。起初我都唔使擔心唔知流行曲同古典感覺嘅…

我可以話係對Arielle嘅風格一見鍾情,於是直接選擇咗佢。當然佢都冇令我失望啦~ 歌曲風格嘅選擇有好多,古典至流行曲都有。佢亦都會根據場地嘅特色介紹唔同嘅歌俾我。除咗最經典嘅婚禮進行曲之外,我自己就比較prefer要流行曲,覺得始終大家耳熟能詳,聽起上嚟嘅時候都會開心啲有共鳴啲。起初我都唔使擔心唔知流行曲同古典感覺嘅豎琴會唔會好唔夾,但佢係可以自由轉換傳統同埋新潮嘅曲風,乜嘢都可以駕馭到,真係好厲害。🤩我諗如果遲啲佢可以嘗試加埋其他樂器,即係例如鋼琴、小提琴一齊演奏嘅話應該會更豐富更有層次添。

我哋溝通主要都係WhatsApp進行,商討下rundown,點樣March in,幾點至幾點彈咩歌之類,佢都會提供好清楚嘅timetable俾我,令我完全唔需要擔心,亦都好放心俾佢自由發揮。可以話係因為佢比我嘅感覺真係好容易相處,好responsive、唔會潛水,所以我對佢嘅信心真係好大。❤️

原來佢之前喺我嘅婚禮場地表演過,所以非常之熟悉嗰度嘅地形,都好清楚知道究竟啲樂器應該點樣擺放。佢會好鉅細無遺咁同我講究竟幾點要交場,點樣運送樂器比較好。🤔當日佢好似半個姊妹咁,又幫手做整deco又去睇吓個場點樣,都會同賓客有好多互動,總之成個氣氛就好好。😎

我覺得以豎琴作為演奏樂器真係好特別,因為好多人都只係喺播歌,極其量都係彈下鋼琴就算,但係豎琴真係可以將成個婚禮提升至另外一個格調,完全係兩回事嚟㗎!😉所以我覺得如果其他新人都係aim羅曼蒂克風格就真係要考慮吓豎琴,豎琴嘅存在真係會有一種耳目一新、好歡欣嘅感覺。😄而且佢好識睇氣氛配合音樂,好彈性同埋識得調整時間完全唔使驚會有空白嘅情況出現。😌

司儀及表演
bubble tea
5
精選評論
我籌備婚禮嘅時候就希望婚禮可以特別啲同Grand啲,突然間諗起好耐之前聽過Arielle嘅演奏,覺得好精彩、好特別,於是就邀請咗佢幫我進行演奏!佢都有好主動問我希望佢彈首咩歌,但我自己就冇太多主見,都係放心俾佢發板。🧐 除咗固定嘅婚禮進行曲之外,其他都係柔美浪漫嘅曲目。我自己個婚禮上就無呢個情況,但係我就諗婚禮場地始終…

我籌備婚禮嘅時候就希望婚禮可以特別啲同Grand啲,突然間諗起好耐之前聽過Arielle嘅演奏,覺得好精彩、好特別,於是就邀請咗佢幫我進行演奏!佢都有好主動問我希望佢彈首咩歌,但我自己就冇太多主見,都係放心俾佢發板。🧐 除咗固定嘅婚禮進行曲之外,其他都係柔美浪漫嘅曲目。我自己個婚禮上就無呢個情況,但係我就諗婚禮場地始終係比較多嘈雜聲,有可能豎琴嘅聲音會比其他傾偈聲蓋過咗,所以如果佢可以搵多幾個人幫手,試吓組合埋其他樂器,可能層次感仲會豐富啲添!😍

講返Arielle,除咗喺曲目上嘅選擇之外,前期工作佢都幫咗我唔少,例如係我唔知道啲樂器應該點樣擺先好睇,佢都會提示我。基於佢之前演出嘅豐富經驗,佢會知道咩時間應該彈啲咩歌、應該點樣運送佢啲樂器等等。👍🏼

除咗佢嘅演奏發揮到出色嘅水平之外,佢都好識執生。有時啲突發事件,例如時間耐咗等等,佢都會按返時間調整彈奏嘅速度,唔會令到有deadair情況出現。😌除咗進場之外,佢亦會喺candybar附近彈奏,賓客都會圍住欣賞佢表演。其實我老爺本身想要live band表演,但我自己就覺得因為場地係以Garden為主題,相信豎琴會比live band更加配合到婚宴場地嗰種氛圍。不出我所料,當日包括我老爺在內,所有親戚朋友都對佢嘅表現讚不絕口,大家都話冇諗過單單係豎琴都可以令到表演咁圓滿,變得好唯美。💗

司儀及表演
最新優惠
聯絡商戶