我預備去搵化妝同攝影師嗰時離Big day剩返一個幾月左右，都有啲趕，喺ig度search有關證婚化妝之類嘅關鍵詞之後搵到Sum Love Makeup，見佢哋啲相都影得幾好👍，問完budget啱自己又有期😍，就揀咗佢哋化妝💄+租衫👚+攝影師📸３小時服務。

佢哋啲婚紗款式都幾好🤩，我比較高，佢哋嗰度有條魚尾款著落啱啱好，我都好鐘意❤️。Staff好nice😁，會教我點著件婚紗，令我感覺都輕鬆😁。 化妝師阿Sum都係好nice，試妝時佢問我想要濃啲定係淡啲自然啲嘅妝，我就揀咗淡啲自然啲嘅。我覺得化完出嚟感覺都仲似我同埋靚嘅，唔會好似出面嗰啲直接化到成個樣唔同晒嘅咁🤣。另外，我平時自己化妝好少畫眼線，因為好易流眼水，但阿心佢一下就畫到，技巧好好💯！化出嚟嘅妝同套婚紗嘅氣質都夾得好好，我老公都有讚好靚🥰～

攝影師Jerry結婚嗰日先第一次見到佢，佢有提前到酒店準備😏。之前佢已經有同我哋喺WhatsApp度聯絡，問定我哋嘅rundown同埋想影啲乜嘢，而且沙田嗰邊佢都有影過，好熟悉知道邊啲位影婚紗相係會靚嘅😆，都有推薦俾我哋，好幫到手👍。佢知道我哋有唔少親戚朋友，就建議我哋分做唔同嘅小組嚟影，然後再影一張團體相，幫我哋安排得好好，又識搞氣氛😍。佢又會建議大家可以擺啲乜嘢手勢，到朋友影相時亦都問「大家有冇啲咩特別手勢可以影㗎？唔使怕羞喎！」都好friendly 😊～最尾嗰一個鐘頭，我就同新郎2個人影返少少婚紗相😏。

我哋兩個都唔係好識擺pose，但睇返啲相佢捕捉得好好，捕捉到我哋好自然嘅表情😊。 啲相佢可以俾我揀USB Drive定係Google Drive度攞，我哋揀咗google drive。原本都諗住一個月之後先收到相，但係半個月之後已經有🤩，佢已經執晒啲相嘅光同色👍。結婚嗰日天氣好好，啲相都好光線充足，好滿意好靚🥰！

我係自己加咗入婚享會Facebook Group後，見到有人推薦Sum Love Makeup 嘅Pre Wedding套餐 😉，包租借婚紗禮服、攝影、化妝及租借Studio費用，就對呢間公司好有興趣😄。雖然Studio清潔費用需要額外俾300蚊，但Package包咗咁多野，覺得價錢好抵好合理💯，所以最後㨂左Sum Love Wedding。

一上到去㨂婚紗時，因為自己係大碼新娘，其實都驚無自己嘅Size，但阿Sum好快咁介紹左2件婚紗俾我，我試第一套已經好滿意🤩。阿Sum講返佢店準備咗唔同款同唔同Size嘅婚紗俾新娘㨂，所以有好多新娘都會搵佢地租借婚紗，多款多Size呢一點真係好好👍。

另外，我之前去其他婚紗店試衫，都會比人用歧視嘅眼神望住哂，感覺唔良好，不過阿Sum比人完全無呢種感覺，整個試衫過程都好舒服😉，就算係夏天大熱天時流晒汗，都好願意幫我試衫同調整，真係超Nice💯。

跟著傾攝影時化妝風格，我就同阿Sum傾想要波希米亞風格，而阿Sum一聽到我想要呢個風格，就幫我準備各種啱番呢個風格嘅頭飾、耳環同鮮花等等，超為客人著想同好用心嘅服務👍。如果比著係其他舖頭，應該唔會特登去幫我做呢啲野😄。

而到咗當日一開始化妝時，感覺好細心，佢會慢慢咁化我面部每一個部位，化得好仔細💯，例如我鼻偏向較扁，佢會幫我化得高啲，化完之後超靚😊，平時老公唔讚我架，但嗰日老公真心係度讚個妝好靚💯。

開始影相時，阿Sum會經常主動幫我補妝，而且仲會幫我托住我個頭同整理頭紗之後，先再叫我訓落地下去擺POSE影相📸️，令到我就算訓係度個頭飾都唔會哽住我個頭，整個過程好專業又好貼心🥰。