當初留意Sumlove Makeup係因為其他新人用過覺得性價比高從而介紹俾大家，睇左IG覺得d相又幾靚，所以就決定咗搵佢。😉 本身影Pre-Wedding我都唔係話想去好多地方影相，唔想由朝趕到夜晚嘅行程，只想簡簡單單咁享受成個過程。

當日去左迪欣湖影相，我都揀咗件比較多details嘅婚紗，行動方面有啲論盡😮‍💨最深刻係而喺碼頭上影相嘅時候，係需要瞓上啲木板，當時化妝師好貼心咁用單手托住我條頸同背脊，叫我慢慢瞓落去木板上，而且都會同攝影師好多交流，大家一齊研究邊啲角度，點樣影張相出嚟係最靚。

化妝師亦都好識製造氣氛，透過傾閑偈，好似講吓關於屋企嘅貓貓🐱，老公係廚房煮餸俾我食等等，營造左好多畫面，令我由心而發笑得更加自然，而且冇咁生硬。 成個體驗上我都好OK好enjoy，完全符合到我輕輕鬆鬆去影pre-wedding嘅要求，所以Big Day都決定搵番佢哋🥰