Fancy Bridal好細心💖， 因為我有咗bb，同事Andrew就幫我喺婚紗到整咗個鋼圈，着起嚟會好睇啲， 睇唔出係大肚，呢樣我覺得好貼心😍，因為其他地方未必會做到！Fancy Bridal會幫我哋計劃曬成個big day嘅rundown，令我哋少咗好多煩惱， 而當日都係非常之順利🤩！

Big Day當日我哋超緊張，但攝影師都可以氹到我哋笑。而且佢哋好friendly，會主動問我哋有冇啲咩需要😙。 影相嗰陣又會安排我哋企前少少，或者分兩行咁去影大合照，啲賓客都讚佢哋好落力，好似冇休息過咁。所以Fancy Bridal都好主動同埋態度好好。當日拍嘅片都係非常好，冇諗過咁短時間竟然都可以剪到一條咁高質素嘅片🌟，真係好勁！最驚喜係條片有埋我隻貓🐱，因為佢一直都喺間房入面，但係條片都有佢份😆，令到條片有啲好有趣嘅moment👍。團隊之間都有好好嘅溝通，又會夾下拍攝嘅角度💯！

化妝師喺我去洗手間嘅時候都會跟着我，又會成日問我口唔口渴同幫我斟水✨。一開始化嘅妝比較濃，但影出嚟真係好好睇💖。因為我本身都冇特別化開妝， 所以我淨係話就返我面型去化好睇啲就可以🥳。婚紗方面有好多選擇，搞到我都唔知揀邊款好，因為我唔係太喜歡性感嘅款，Fancy Bridal都有推薦一啲款俾我揀😝。 啲相收到之後都覺得出到嚟嘅效果同我想要嘅一樣😆！我哋都會想介紹Fancy Bridal俾親戚朋友。 因為佢哋好照顧我哋， 相處上又好舒服，幫輕咗我哋好多💗！

一開始係想搵提供即影即有服務嘅攝影公司， 因為親朋戚友可以影完之後即時拎到相🥰，之後我上網搵啲資料佢就出咗Fancy Bridal。我做過比較之後，覺得Fancy Bridal價錢比較合理， 而且佢哋嘅同事都覆得好快。我主要都係用WhatsApp約時間，之後就上Office面對面傾細節。Fancy Bridal啲婚紗就放喺office嘅兩旁，望落去係好整齊好舒服😚，婚紗都好新淨，唔同之前我影Prewedding嗰間啲衫唔新淨之餘仲要係爛，不過如果Fancy Bridal可以再多啲選擇就更加好啦🥳。

當時主要係Andrew負責follow我哋，因為我都唔知結婚要做啲咩，加上又冇乜要求，淨係想簡簡單單，而Andrew就好有耐性解答我哋所有問題，同埋都好詳細咁話俾我聽結婚嘅流程。Fancy Bridal 俾我嘅感覺唔會好似係咁sell我，佢哋會解答咗所有問題，再俾我考慮吓🤩。佢問我一啲茶禮嘅嘢，因為我都唔係咁清楚，佢就解釋俾我聽茶禮係咩嚟。我聽完覺得值得做，同真係了解到成件事。佢話其實唔做都可以，但係就一定要話俾我聽有呢樣嘢先，最後再決定做唔做，所以我覺得佢好專業同好有責任感，會話俾我聽我要知嘅嘢，但係選擇權都會俾返我，好尊重我哋😆。 同埋，我覺得佢好貼心，我諗緊回禮送啲咩，佢就提議張即影即有可以做回禮，唔洗再額外整。

一開始我以為淨係婚禮個part先可以租衫，所以簽紙嗰陣煩惱咗好耐要着咩衫。之後佢哋提我簽紙都可以租衫，而且仲係package包埋，令我覺得好驚喜，真係為咗新娘好而俾心機做，所有嘢都係由新人嘅角度去諗。而且我同佢哋真係好夾，佢哋比嘅選項都係好貼合我嘅style🤣，所以我都好快做到決定！另外，我都好擔心化妝個部分，因為我平時唔係化開妝，同埋都係一個運動型嘅人，我成日都驚化妝會唔襯我。我有同佢哋講過我好擔心，所以就想化簡單啲，化妝師都好配合我🥳，後尾親戚朋友都話我個妝好自然，好啱我，望落好舒服，睇返成個Wedding都係好啱我嘅style，真係好滿意❣️。

婚禮當日Andrew好好，會幫我確保所有客人都會有一張即影即有，仲會親自去俾返張相賓客🎉。佢仲成日提我哋婚禮冇第二次，唔好俾自己後悔，令我覺得有咩要求就要講出嚟。為我本身好怕麻煩到人哋，有啲要求會唔敢講，怕自己會講咗一啲唔合理或者人哋做唔到嘅要求，之前我影Prewedding就係講唔到自己想要啲咩，所以嗰輯相我一啲都唔滿意，完全影唔到自己最真實嗰一面。而Andrew知道我有咁嘅顧慮，所以都好照顧我，叫我有咩要求都可以講出嚟🤪。之後我就問Fancy Bridal可唔可以影下外景，佢哋都幫我影咗外景，嗰輯相係超級滿意😍，仲靚過我之前Prewedding嗰輯。我哋去咗南生圍影，我最鍾意老公抱起我影然後互望嗰張相。