“INWHITE”
概念源自一個光學現象：
當所有顏色的光匯集，最終會成為純粹而美麗的白光。
愛情、婚姻如是，每人的性格、思考，散發出的顏色不盡相同。
由攝影師 尼彩、虹一 主理的 “INWHITE” wedding ，就是想著，透過我們的相機把您們的光芒集合起來。
我們有著多年拍攝人像經驗，擅長找到人們最美的角度。不單止是婚紗攝影，我們盼望攝影是人文，是日常的一部分。我們擅長的日系風格，就是圍繞著生命而行。而相思相伴是其中一種充滿愛和生命力的關係，拍下您們在關係𥚃的相知相識，就是我們的抱負。
攝影師+您們本來的光芒 = 最耀眼美麗的白光，這就是 inwhite 的來源。
inwhite 主要的服務是 日本prewedding，有長駐在日的攝影師，秉承著 “Anytime, Anywhere, in japan” 的意念，還望大家沒有日期地方限制的壓力，來一場容易配合的prewedding 。甚至在旅行途中記起有我們為您，輕鬆旅拍一回，不論是婚紗、和服、便服，我們也可以為你安排。拿著相機，我們去一起拍下一個又一個幸福耀眼的瞬間！
同時，香港prewedding 和 big day 繼續進行得如火如荼，一直以優惠的價錢，提供充滿愛的照片和錄影服務。我們一直致力，抓著生命的溫度。
耀眼的一瞬，期望有您。
INWHITE WEDDING
聯絡商戶
揀 Inwhite Wedding 之前，本身都有對比過其他公司嘅 Package。❤️覺得 Inwhite Wedding 啲 Package 同埋佢哋啲拍攝風格都比較符合我哋心水，所以就揀咗佢們嘅婚姻登記拍攝服務。 🥰拍攝前團隊會先了解返我哋鐘意嘅風格，就着我哋嘅要求俾唔同嘅建議，譬如拍攝地點，同當日嘅流程。👍負責我哋嘅攝影師都好合作，會留心聆聽我哋嘅要求。
拍攝當日，外景部分佢就帶咗我哋去個類似菲律賓嘅市場影相，我哋都好appreciate 佢嘅用心，俾咗一個咁特別嘅體驗我哋。😉成個拍攝過程都係屬於輕鬆嘅。 成品出嚟個效果都好滿意。🥳我哋發覺到呢位攝影師拍攝外景同人少嘅場合，佢嘅拍攝技巧都幾好。啲拍攝風格都幾特別，如果純粹拍外景，我都會推薦俾朋友。💯
我自己好鍾意日系feel，想五月去日本影prewedding，又咁啱見到Inwhite wedding有個海外prewedding嘅package🤩，同埋佢哋嘅攝影team都stay喺日本，唔駛點擔心staff嘅機票住宿問題，價錢實惠，時間上又夾到，之前亦有睇過Inwhite wedding嘅作品，風格唔太浮誇，就決定join。然後，攝影師尼彩同虹一有開chat group同我哋傾下，都會開下zoom meeting。
終於出發去日本影prewedding，本身想影富士山🗻，但當日天氣麻麻地所以影唔到，不過好彩攝影師尼彩有準備定plan B比我哋，佢轉數好快，應變力高，又會幫我哋考慮好多嘢🥰。尼彩仲會教我哋擺pose，而當時又大風又凍，吹亂咗會幫我執返個頭，亦都會關心我叫我戴返披肩先，唔會催我哋快啲影完趕進度，所以完全冇壓力。之後我哋去咗一個湖，附近有天鵝，咁其中一個同事識日文，佢就主動幫我哋問下當地人可唔可以同天鵝🦢影相，溝通完全冇問題，又影到靚相！而且全個行程都好彈性，途中突然想影一啲位置團隊都會幫我哋影，冇話框死我哋。我覺得尼彩嘅技術真係好好，影嘅相我哋都好鍾意，仲好快就比到相我哋，好surprise👏🏻！不過最令我印象深刻嘅係，我哋回程搭車返酒店嘅途中見到富士山突咗三分一出嚟，但當時行程已經完咗，但佢哋都願意停低再幫我哋影返富士山，滿足咗我想影嘅地方，真係勁好。佢哋嘅團隊合作都幾融洽，可能因為大家都係朋友，feel到佢哋都好夾同合拍，值得一讚👍🏻！
