我自己好鍾意日系feel，想五月去日本影prewedding，又咁啱見到Inwhite wedding有個海外prewedding嘅package🤩，同埋佢哋嘅攝影team都stay喺日本，唔駛點擔心staff嘅機票住宿問題，價錢實惠，時間上又夾到，之前亦有睇過Inwhite wedding嘅作品，風格唔太浮誇，就決定join。然後，攝影師尼彩同虹一有開chat group同我哋傾下，都會開下zoom meeting。

終於出發去日本影prewedding，本身想影富士山🗻，但當日天氣麻麻地所以影唔到，不過好彩攝影師尼彩有準備定plan B比我哋，佢轉數好快，應變力高，又會幫我哋考慮好多嘢🥰。尼彩仲會教我哋擺pose，而當時又大風又凍，吹亂咗會幫我執返個頭，亦都會關心我叫我戴返披肩先，唔會催我哋快啲影完趕進度，所以完全冇壓力。之後我哋去咗一個湖，附近有天鵝，咁其中一個同事識日文，佢就主動幫我哋問下當地人可唔可以同天鵝🦢影相，溝通完全冇問題，又影到靚相！而且全個行程都好彈性，途中突然想影一啲位置團隊都會幫我哋影，冇話框死我哋。我覺得尼彩嘅技術真係好好，影嘅相我哋都好鍾意，仲好快就比到相我哋，好surprise👏🏻！不過最令我印象深刻嘅係，我哋回程搭車返酒店嘅途中見到富士山突咗三分一出嚟，但當時行程已經完咗，但佢哋都願意停低再幫我哋影返富士山，滿足咗我想影嘅地方，真係勁好。佢哋嘅團隊合作都幾融洽，可能因為大家都係朋友，feel到佢哋都好夾同合拍，值得一讚👍🏻！

我係網上認識到Inwhite Wedding，因為我見到佢哋啲相影得好靚😍，覺得啲風格都好適合自己，所以最後join咗佢哋oversea嘅package，去🇯🇵日本東京影pre-wedding，而package包咗化妝師同男女各一套禮服🤩。我覺得Inwhite Wedding嘅服務好好，講解得詳細清晰，回覆message又好快，知我緊張又會安撫下我，令我心情會冇咁緊張🤣。

試衫個日，禮服選擇都好多，都好容易就揀到自己心儀嘅禮服😆。同埋，職員服務都唔錯，仲要唔會有試衫費用，亦都唔會限時間。當時我哋都試咗好耐，佢哋都唔會有想趕我哋走個種感覺，我哋可以揀到啱心水為止😁。至於化妝師方面，我自己就request咗日本化妝師，因為我咁啱會有一位識日文嘅朋友會同行，所以朋友就會充當我嘅翻譯。之後，Inwhite Wedding幫我安排，比咗幾個日本化妝師我揀，之後我就再睇下每個化妝師嘅效果相而揀咗其中一個🤪。

影pre-wedding當日，攝影團隊一共有三個人，攝影師尼彩，助手，同日本化妝師。個日係我第一次見到日本化妝師，覺得佢好nice🥳。我揀咗一件誇張少少嘅婚紗同一套日式和服嚟影相🎎，化妝師會就住唔同嘅禮服幫我set妝，亦會配合我嘅唔同要求，化出嚟嘅妝容係偏向日系簡單自然，我覺得好滿意👍🏻👏🏻。另外，我覺得佢好細心，好多細節位都留意到，做嘢又好熟手，應變能力又高。

而攝影師尼彩都專業，我哋搵咗好多想影嘅景點出嚟，但唔知揀邊個好😩，佢會按我需求幫我哋篩選，又比好多有用嘅建議我哋😝。佢仲好細心咁教我哋擺pose，有時影完相仲會比我哋睇下個效果🥰。我比較深刻印象係，因為日本個天黑得比較快，令我哋影相時間短咗，會比較趕。而團隊本來係有一個鐘頭Lunch time，但佢哋為咗幫我哋爭取多啲時間影相，佢哋就勁快咁食完個外賣😂💦，迅速就趕去下一個地方幫我地繼續影，真係好窩心。而整個拍攝流程都好順暢，冇咩阻滯🤗 ，所以我都覺得好滿意，整體都好好！