之前影 pre-wedding 相嗰陣，係Bobo幫我化妝，因為當時攝影師嘅 partner 就係佢😆。我覺得佢化嘅妝超好，keep到好耐，所以當時我就拎咗佢嘅rate card，揀Bobo做我Big Day嘅化妝師。Bobo好nice，相處起嚟都好舒服🌟。妝容方面，Bobo會問下我嘅要求，我都有主動俾啲reference佢，Bobo都好有耐性咁俾咗好多專業建議我，又會根據我嘅五官去調整下個妝。特別係我嘅眼皮比較難搞，屬於多摺又有啲鬆嘅類型，之前試過其他化妝師幫我貼雙眼皮都好難處理，但 Bobo handle得好好，眼妝呢個重要嘅部分化得好好🤩。因為我完全唔識戴con，Bobo係幫我戴埋🥹，con嘅顏色同款式亦都好啱我💕。

我好欣賞Bobo嘅化妝技術同埋喺一啲細節上面嘅處理，例如係眼睫毛嘅選擇同整體風格嘅搭配都做得非常好，唔係一啲罐頭妝，真係為我度身訂造個一個妝💖，做到我想要嘅高貴簡潔✨。Big Day當日，我只係瞓咗一個鐘頭，但經過 Bobo 嘅巧手，個妝令我睇落去好精神，所有人都話我嘅妝好靚🥰。同埋Bobo 真係好細心，知道攝影師要影喊嘅moment，佢會等攝影師影完之後先補妝😆。當日佢幫我換咗幾個妝容同造型，一個人好快手咁搞掂曬所有野！我好多朋友同家人都讚Bobo做得好好，甚至有朋友問我拎佢嘅contact，希望佢可以多啲update自己化嘅妝，令更多人認識到佢！