Pre-wedding我搵咗一間叫365，係喺百利搵到嘅。第一輯影得麻麻哋，所以搵咗佢哋影過第二輯。當日銷售個sales係好chur，係咁lur住我咁，咁當時又係好急想影多輯所以就揀咗佢哋。 佢揀衫都okay，化妝都化得都好靚，攝影師技巧係好，但係可能就比較hea，但有一樣嘢好好就係佢識教你擺pose，呢樣都幾重要，因為平時真係唔會影呢類相。另外揸車嗰個男仔又有啲問題，我哋去山頂影，佢喺山頂兜咗幾個圈，用咗大半個鐘，好似唔係幾識路咁。 喺揀相嘅時候就冇sell我哋揀多幾張咁，我哋只係影咗二百張，最後揀咗五十張，如果可以影多啲就好。另外攞相嘅時候我去門市催佢，結果啲相到結婚前幾日先俾到我，不過本相簿攞上手都係靚嘅，個風格會另類啲，啲相執到好似雜誌咁嘅排版咁。