初時我哋都聽到一啲Aplus嘅負面消息，關於佢哋嘅成品同新人期望唔同，進度又唔係咁好。不過我老婆其實好早就心儀Aplus啲backdrop好靚，去到婚展睇完其他又唔係好啱，所以最後就決定都係試吓Aplus。我哋主要同佢哋嗰邊係email聯絡多。我覺得佢哋都算跟得足，又俾足夠時間我哋決定，唔會話好急咁要我哋好快諗好，之後就出稿俾我哋睇。佢哋package就包台前嘅一啲柱型decoration，welcome board同backdrop，都好fit到落個場度。唯一comment就係希望佢哋可以俾多款式選擇，反正都係佢哋自己design。佢哋都有分啲係漫畫風、有啲就elegant啲、有啲係只係貼嘢上去同直接printing。我個人就覺得如果可以多啲款揀就更好喇！整體嚟講我哋都覺得成品出到嚟都好ok，物料質素都好，而且進度方面都完全無問題。

我喺百利行行下見到Aplus，見到呢間有啲英倫feel嘅佈置，覺得幾靚，同我傾計嘅女仔知道我哋時間趕，主動幫我設計其他嘢，而我就淨喺俾咗個由我妹妹設計嘅logo俾佢。成個過程好順暢，佢哋又好主動，最後又準時俾到貨我，十分滿意。 我結婚嗰日有個花球，但第二日發現唔見咗。我於是打俾APlus睇下佢哋有冇執到，佢哋特登入倉幫我睇下有冇執到，最尾拎返個花球好開心，好多謝佢哋！