結婚戒指我哋揀咗周大福，係喺荃灣嗰間買，係因為有coupon所以去睇吓。當日服務我哋個sales叫陳文霖，佢好有耐性同埋把聲好soft，令你好舒服，唔會好hard-sell，你睇緊嗰陣佢又會同你分析邊款啱你啲，我哋揀咗碎石款同玫瑰金，最後用咗coupon只係$2500。

結婚戒指我係喺荃灣周大福買嘅，我哋都冇比較過其他，睇到鐘意嘅款就即刻決定咗。嗰個款係而家廣告賣緊嗰隻款，我見到就俾佢吸引咗，個工藝同其他有啲唔同，所以我好鐘意。佢個款比較特別，隻戒指係有石嘅，係一半做咗磨沙﹑一半係普通戒指咁，中間有啲坑紋，高雅得嚟都有啲款。兩隻戒指都有石，不過男仔嗰隻就細粒啲，女仔嗰隻大粒啲。